فيه محل عطورات فتح قبل سنتين في الرياض اسمه BQ
وله موقع على النت
الماركة مسجلة دولياً في جنيف ، وفروع المحل هذا في الرياض وجنيف حالياً فقط ..
تقوم فكرته على ابتكار خلطة العطر اللي تحبها على حسب مزاجك أو مزاج من تريد ..
مثلا تقول أبغى عطر ناعم وهادئ ، فيه ريحة فل وفانيليا ..
أو مثلا تبغى معه دهن عود ، أو مسك .. أو روائح فواكه فراولة مثلاً ..
وهو يخلط لك أو يشممك من الـ1000 خلطة اللي عنده وأنت تختار ..
وممكن يقترح عليك هو أشياء مخلوطة وجاهزة ..
بعد اختيار الرائحة ، عندك الآن أكثر من خيار للتقديم من المحل نفسه ، علب متعددة بأحجام وأشكال مختلفة ، لكن أنصحك تاخذ العلبة أم 100 ملم ويجي معها علبتين 50 ملم مجاناً.
يتميز المحل بأنه :
- العطر يتم وضعه في كرستالة فاخرة، ذات خرطوم للبخ (ليس كمثل العطور العادية) ..
- تركيز العطر (وهذا مهم) نسبته 30% ، بخلاف باقي العطور اللي بين 10% و 20%
- يقدم خدمة الحفر على الكرستالة وكتابة أي عبارات تريدها ، وممكن يضيف صور قلوب ..
- يقوم بتغليف العلبة لك ، ويضع معها كرت إهداء بشعار الماركة ..
- العطر الذي ستقدمه في الغالب لن يكون أحد في العالم يستخدمه غيره
.. التميز له طعم خاص ..
أخيرا ، أسعاره أشوفها معقولة مقارنة بكمية العطر اللي بتاخذه ..
يعني يجيك ما مجموعه 200 ملم مع كوبون إعادة تعبئة مجاني للكرستالة ، والعطر مركز ، مع علبة فاخرة ، بـ 950 ريال ..
العطور العادية 100 ملم بـ 400 ريال ..
فروعه:
- فرع في هارفي نيكلز في الفيصلية
- وفرع آخر مقابل للفرع السابق على طريق الملك فهد
لا أحتاج أن أذكر بتطعيم العلبة بالورود وبخها بالعطر من الداخل ... إلخ ..
الظاهر الظاهر له فرع بـ صحارى مدري غرنآطــه << لا عاد تجيبين معلومآت :35: