تشققات الحلمه ..؟؟؟

بســم الله الرحمن الرحيــم ..

خواتي العزيزات انا في الشهر التاسع ومحتاره شو آخذ من الكريمات لحلمه الصدر..
سمعت عن التشققات واعرف اني في فتره الولاده ما بقدر اطلع ..
أبي آخذ كريم يغذي الحلمه ويرطبها وبنفس الوقت يكون من النوع الي ما يأثر لو رضعت الطفل وانا حاطه الكريم .. يعني ما يحتاج اسير اغسله وبعدها ارضع وارجع احط.. خاصه اني بتلعوز في الرضاعه فتره الليل ..

ســاعدوني بالي عندكم من خبره ..


وجزاكم الله خير .. :)

11 تعليق 3,738 مشاهدة

شاركي في النقاش

سجلي الدخول لإضافة تعليق.

التعليقات

8
  1. @alhy_alryfy

    والله صادتني تشققلت بس ما استعملت لهه شي راحت من نفسهه
    فما أعرف كريمات معينه
    الي تعرف تجاوبك ان شاء الله
    تقومي بالسلامة وتربي عن قريب يارب
  2. @dowain

    الله يقومك بالسلامه ان شاء الله
    انا استخدمت كريم Lansinoh العلبه لونها بنفسجي. اذا عندك ماذر كير تلقينه عندهم
    و عن تجربه اول اسبوعين ثلاثه رضاعه تذبح بس بعدين الحمدالله تتسهل
  3. @bthyn_2

    صاحبة الموضوع
    أختي العزيزه الحي الريفي .. أشكرج على ردج وعسى الله ايسهل علينا وعليج يا رب ..

    أختي العزيزه دووين .. أشكرج على ردج وأنا فعلا سمعت عن هالكريم بس عادي أرضع وانا حاطتنه والا لازم أغسله قبل لا يرضع البيبي ..؟ وتسلمين..
  4. @algory_31

    مشكوره حبيبتي صاحبة الموضوع .... والله انا احاتي بالرضاعه من ألحين

    لاني من الآن وانا عندي الآم بحلمة الثدي :( انا في نص الثامن

    اختي أخر وحده ....هل انتي جربتي زيت الزيتون؟؟؟
  5. @ghad_alym

    مرحبا يالغاليه
    بصراحه انا سمعت من وحده انها من بداية الشهر السادس واهي تدهن صدرها كل يوم بزيت زيتون
    ولما ولدت تقول وتحلف ان لا تشققات ولا ألم ولا شي والسبب انها كانت تدهن بزيت زيتون
    المفروض انج تعتنين فيهم من زمان
    عندج وقت انشالله لي الولاده كل يوم ادهني بزيت زيتون
    بصراحه انا الحين بالثالث بس كل يوم ادهن بس يعني مو بزيت زيتون لا
    في من ماركة بالمرز وانتي قاعده تاخذين شور تدهنين في بطنج وصدرج وانشالله اذا ربي سهل علي هالحمل ببداية الشهر السادس أو السابع ببدي بالزيت زيتون

تابعي تجارب أخرى من هذا القسم.