التمريخ الجاوي بالنص ريال

السلام عليكم ورحمة الله وبركاته

كيفكم خواتي العزيزات ... اتمنى ان تكونوا بألف خير وصحة وعافية ..

خواتي .. هذة اول مشاركة لي في هذا المنتدى الرائع ..

اتمنى مروركم ولو بالدعاء لي ولكل مسلمة بالذرية الصالحة .

خواتي ...

جتني اليوم جاوية تقول انها تمرخ الجسم وممتازة ... قلت نجرب

يوم بدت تمرخني دهنت جسمي بزيت الزيتون وزيت المساج الخاص بالجاوة

بعدين قالت لي عندك العروق في رجولك ورقبتك وظهرك معقدة !!! ولازم يمشي الدم فيها بشكل صحيح

قامت وجابت نص ريال حديد وصارت تدلك وتحك العروق لين صارت خطوط حمراء طويلة في انحاء متفرقة من جسمي

قلت لها وش هذا ؟؟؟

قالت هذة كلها عروق نايمة وانا صحيتها !!! والحين الهواء المتجمع فيها جالس يطلع

صراحة انا اول مرة تمرخني جاوية . وجسمي كله خطوط حمراء طويلة من كثر الدعك بالنص ريال !!!

وقالت لي هذة الخطوط راح تختفي بعد يومين وراح ترجعي كالفرس .

اتمنى من اي وحدة فيكم جربت هالطريقة ان تعلمني هل هي مفيدة فعلا ولا لا

انا سمعت من احد قريباتي ان هذة الطريقة مستخدمة عند الجاوة في بلدهم . وهي تقوي عروق الجسم وتطلع الهواء وتفك

السدد . وتساعد بإذن الله عزوجل في الحمل .

وافضل وقت لها هو بعد الولادة ... مع الاستمرارية عليها مرة كل شهر .

في انتظار ردودكم ...

10 تعليق 11,192 مشاهدة

شاركي في النقاش

سجلي الدخول لإضافة تعليق.

التعليقات

8
  1. @pwi

    وعليكم السلام ورحمه الله وبركاته
    اسئل الله لكي العافيه بصراحه طريقة غريبه اول مره اسمع فيها
    اذ ممكن ترسلين لي رقمها
  2. وين الجاويه هذي ساكنه فيه ؟


    وكم تأخذ على شغلها ؟

    ياليت رقمها على الخاص ؟


    أسفه على كثرت الأسئله
  3. @ghamdyh_grshyh

    الله ينفعك بها شغالتنا دايم تسويها في رجلها وماشاء الله كأنها فرس لا قوة الا بالله


    بس يا عمري من وين جبتيها وانتي بأي مدينه خلينا ناخذها تدعك ظهورنا الخربانه ههههههه

تابعي تجارب أخرى من هذا القسم.