بالون المعده؟؟/ قديم

هذي احد الاخوات تقول رايها في العملية

الخلاصة من اللي قريته عن تجارب اللي سووها انهم ما يمدحونها لانها تسبب الم وغثيان واستفراغ ولانه بعد ستة اشهر راح يزيلها الطبيب ويسترجع الانسان وزنه السابق غير ان تكلفتها كبيرة

السلام عليكم



كيفكم يا بنات يا دبدوبات


حبيت استفسر منكم
وبالاخص من اللي جربت وحطت بالون المعدة

ليا كم يوم والفكرة تدور براسي

بس قلت اسال مجرب ولا تسال طبيب

ابغا اعرف مين نجحت معاها ونزلت منها
وبكم كلفتها
ومين الدكتور
انا من المدينه وممكن اروح جده لو دليتوني على دكتور شاطر



استنا ردودكم

طرحت الموضوع قبلك بالمنتدي لكن مافي رد شافي
بامر الله و باذن واحد احد راح اعملها
كثير حوليني سوها ونجحت بس بعد ماتشيلي البالون
لازم تحافظي على وزنك
الدكتور قالي ان بالراح راح يكون نزول الوزن
بالون + رجيم + رياضة
تطيري 40 كيلو في حدود شهرين او 3
وخال صحبتي نزل 40 في شهرين
و قريت في منتديات كثيرة
النزول فيها حلو ورائع وبدون جراحة منظار يعني
وغير كذا فترة وتخريجيها بعد 6 شهور لازم تخرجيها
وتقدري تعمليها كل 6 شهور
يعني لو حابة تطول معاكي تعمليها 6 شهور
بعدين تروحي تنزلي البالون وتركبي ثاني ويجلس 6 شهور

ليه تنزليهنا بعد 6 شهور لان المعده سبحان الله
ماتستقبل شي فيها اكثر من 6 شهور فتبدا عصارة المعدة تطحن البالون

والبالون عبارة عن سلكون صغير يتعبي ماء معقم ازرق
ومايكون البالون ثابت بالبطن يعني يتحرك بالعامية يسبح بالبطن
وليه يخلوا لونة ازرق لان لو حصل الله لايقدر انفجار للبالون يبان في البول اكرمك الله واكرم القارئين
لكن نسبة حدوث انفجار او نتسيم في البالون بنسبة 0.05%
وعلى طول يخرجوا الا اذا مرة حاله صعبة يسوي عمليه جراحية وكذا
وتقريبا وزنها 600 جرام الى 650 جرام

اممممم ايش كمان
ايوة حبيبتي بعدين هم بعد العملية يعطوكي رجيم تقريبا 1000 كالوري باليوم لازم تمشي عليه
والبالون يحسسك بالشبع طول اليوم مايخليكي تاكلي

وغير كذا ترا مو اقل من 18 كيلو تنزلي معاها

انا مشتركة في منتدي ثاني دائما الاعضاء فيه يسبوا في البالون ليه
يقولك بعد ماشالوا البالون رجع وزنهم اضعاف
لان ماحافظوا عليه وكانوا فيه ناس كاتبين تجاربة
انهم حافظوا علي اوزانهم بشكل رائع

وغير كذا لو ماعندك عزيمة لاتسوي اي عمليه نصيحة
وغير كذا لمن تروحي للدكاترة وتقولين لهم بالون يقولك لا ووابدا
وماينفع وهذا اول عمليه قديمة بس تراها احسن شي
ليه لانها شي موقت + مافيها اضرار+ مافي جراحة
والدكاترة يقنعوكي بتغير المسار انصحك شيلي من راسك
تغير مسار + تكميمي
تغير المسار تراها خطير والتكميمي تشوه الجسم

التكميمي يشيلوا ثلاث ارباع المعدة وتخيلي يشقوا بطنك فتحة شبر وماتروح باي علاج

المسار يشيلوا لك كل البطن واذا مرض صاحب العملية ياخذ الادوية بالوريد تخيلي

يالطيف بنت صحبت امي اتوفت بسببها جاها المرض الخبيث بالرحم
وماصاروا يقدروا يعطوها الادوية لان الوريد تعب من اخذ الادوية وماصار يوصل العلاج

وزميل بابا معاه في المستشفي يشتغل وشوفي اخر حاجة يشيلونة بنقاله
عملية مرة خطيرة بس جدا ناجحة

اللهم احمينا ونحفنا بغير مرض

كمان بقولك حاجة عملية البالون ياستي مرة سهله
اول حاجة العملية اما نص ساعة او ربع ساعة
وبنج موضعي واذا تبي كامل عادي يعملوا لك
وبعد ساعتين تقدري تستمري بحيتاتك عادي وتجلسي يوم بالمستشفي

بس الله يكرمك اول اسبوع ترجيع + غثيان

لان المعده فيها جسم غريب ولكن يقولوا ان اول 3 ايام
بالكثير اسبوع ونادرا اسبوعين

واذا استمرت الاستفراغ الله يعزك لازم تروحي للطبيب عشان
في ناس يضطروا الدكاترة يشيلوها منهم
لان تكون اجسامهم طبيعي مايستحملها البالون
وممكن تسبب قرح بالحلق من كثر الاستفراغ والقرحة هنا حاله نادرة

واذا طولت البالون في البطن اكثر من 6 شهور تسبب قرحة بالمعدة

وغير كذا قريت عنها بالمنتدي اخر ان البالون يعمل ريحة بالفم
وتقدري تتغلبي عليها بالمضمضة والعلك
في ادوية تتجنبي منها حقت الالتهابات


وعلى فكرة افضل الدكاترة
وليد بخاري + عادل صباحي هذولا التوب بجدة
ولهم عيادة بمستشفي الملك فهد العام ولهم عيادة خاصة اظن بالطبي

وحدودو العملية اقل شئ 10 واكثر شئ 15 الف ريال
وفي داكاترة يحسبونها بالتنويم + فك وتركيب البالون
وفي دكاترة لا يحسبون تركيب البالون غير وفكه غير


اممممم اليوم باذن الله راح اروح المستشفي وادعي لي الله يسعدك ربي يسهل الامر واسويها وانا مرتاحة ترا جاوبت عشان تدعي لي وماراح اسامحك هاه لو مادعيتي لي انتي و اي احد يقراء ردي


اللهم اجعل مرادي خير وحققه لي عاجلا غير اجل ياكريم

مشكورة حبيبتي طفله النجم
والله يسهلها عليكي ويكتبلك الخير فيها
بس انا مو مرة دبه انا وزني 73
وابغا اوصل ل 55
طولي 163
بس مو ضابطه معايا الرجيمات ابدا
الله يخترلك ويخترلي الخير
ويوفق الجميع



يالله يا بنات وين حماسكم

معقول محد سوى العمليه بالمنتدى