بالبدايه الله يسهل اموركم ويوفق عيالك ويختار لهم الخيره 1-هل تغارين في بداية زواج ابنك من إن زوجك يراها ,,طبعا بما إنك انتي شارفتي سن الأربعين
وهي لسا بالعشرينات ...وهل الزوج يفكر بالزواج من ثانية إذا تزوج إبنه أو إنه عادي؟ مابتغارين من انو زوجك يشوفها لا بتغارين على ابنك انو فيه وحده صارت بقلبه ومعروف الام تميل دائما للولد لكن من ناحيه زوجك تاكدي واجزم انه راح يعاملها مثل مايعامل اي وحده من بنات اخوانه او خواته ماقلت بنته لان البنت بيهاوشها وهيك بس بنت اخوه او بنت اخته يحن عليها ويداريها كانها ضيفه فتره وهذا اللي بيصير تعامله اما انه يناظر لها من ناحيه العمر ولاتجي بباله لانه سبحان الله محرم فمايلفت انتباهه اي شي فيها
2-هل تغيرت حياتك بعد زواج إبنك وإن كانت تغيرت ,هل تغيرت للأحسن أو للأسوأ ......... على حسب الام وحسب الزوجه يمكن تجي الام بنت حلال وطيبه وتجي الكنه والعياذ بالله تفرق ماتجمع والعكس تجي الكنه راعيه خير والعمه تجي مايعجبها العجب خصوصا اذا كانت من النوع اللي يرخي السمع لكل من هب ودب فلذا تعاملك يكون واضح جدا جدا معاها الزم ماعليك ولدك
3-بما تنصحيني بعد زواج إبني ,,بما إنك مجربة وأنا لسا أم زوج جديدة إيش نصايحك ,يعني كم زيارة يزورونك
بالأسبوع وكذلك وشلون اتعامل معها وإيش اللي تفيديني فيه .... اول شي البنت تسكن لحالها واذا كانت بشقه فوقكم خلي المدخل مستقل تماما يعني مدخلهم لحالهم بعد شهر العسل اذا هي فوقكم قولي يابنتي اذا في كل خرجه تبين اعلمك تروحين معي كان بها طبعا خرجات الحاره اللي الحريم ياخذون حريم عيالهم اما خرجاتكم الخاصه سوق او مشاوير لا والف لا ماله داعي تروح معاكم اذا كانت ساكنه برى مو فوقكم بترتاحين من سالفه تعلمينها اذا بتروح معك والزيارات يابخت من زار وخفف الين بس تعرفين البنت وش طينتها ووش اسلوبها اعطيك مثال على حريم عيالنا لاحظي تعاملنا واحد مع الحريم كلهم بس يعتمد على كلن بنت وتربيتها وقناعاتها وحده لما جيناها ولاحظي هي بمنطقه واحنا بمنطقه وهي ساكنه بالدور التاني دخلنا البيت وجلسنا وانتظرنا ويالله طلعت لنا ترحب وترحيبها جدا جدا عادي اللي يشوفنا يقول كل يوم عندها مع ملاحظه مابنسكن عندها جايين نسلم وبس بنفس الليله جاو اهلها فجاه بدون تدري يسوون مفاجاه نزلت الين باب الشارع ترحب وماني عارفه ايش الثانيه ساكنه بنفس منطقتنا وتقريبا نشوفها يوميا او كل يومين تجي باستمرار كل ماخذت لها 10 ايام قالت يالله تعالو وتحلف وتزعل لازم تجون بيتي على انو نحب اللمه تكون ببيتنا الكبير ويلتمون الشعب كله بس لازم تحرص تعالوا والباقيات محترمات جدا يوجبون ويسالون المهم لاتقيدينها بزيارات متى تجيك ومتى ماني عارفه ايش بس لازم لازم تعلمي ولدك قبل يجونكم يعطيك خبر مايشيل عمره ويجيبها لا وحرصي عليه