حيييياكم في موضوعي في سولافه بالداخل :biggthump
السلآم عليكم ورحمة الله وبركاته
كيفكم صبايا ؟! :heart:
تصدقون بنات احنا غافلين كثيير عن بعض سنن الرسول صلى الله عليه وسلم وفهم بعض الاحاديث
خصوصا حديث حبينا صلى الله عليه وسلم حينا قال : (من أفضل الأعمال إدخال السرور على المؤمن، تقضي له دينا، تقضي له حاجة، تنفس له كربة... ذكره الألباني في السلسلة الصحيحة، وروي عن عمر رضي الله عنه مرفوعا: أفضل الأعمال إدخال السرور على المؤمن؛ كسوت عورته، وأشبعت جوعته، أو قضيت له حاجة. رواه الطبراني وحسنه الألباني. )
ادري بتقولون ليش هالكلآم ؟!
لاحظت انه هنا خصوصا بالمجلس العام ياكثر ادخال الحزن على الآخرين الله يهديكم يارب
WIDTH=300 HEIGHT=300
WIDTH=300 HEIGHT=300
WIDTH=300 HEIGHT=300
المهم انا جايه بقول لكم سولافه صارت لي انا شخصيا صديقتكم زجاجه <~ وه فديتني :wink:
محدثتكم عمرها بالعشرينات واكبر البنات طبعا وبعدي على طول اختي
كان عندنا جاره الله يستر عليها من تزوجت وهي عندنا توها نقلت من عندنا
السنه اللي فااتت المهم مره كنت جالسه في امان الله وماسكتـ(ن) اللاب التوب بتاعي :icon10: واتصفح عالمي الوردي
وفجاءه تررن تررن :unsure:<ِ~ كنايه عن نغمة الجوال:icon20: طبعا جوال مامي المهم كملت تصفحي عادي
وبعد يمكن نص ساعه جت اختي عندي رككككض والوجه الوان ولونه احمر :blink: حسيت انها كانت مستحيه <~ تكفين لاعاد تحسين
المهم جت اختي وهي طايره كنها مفجوعه وجلست بالزاويه وقالت لي دريتي قلت : ايييش ؟! وانا مو مهتمه وكملت التصفح عادي
اختي : فلانه جارتنا اتصلت
انا : طيب هي دايم تتصل مافي جديد !! :blink:
اختي : ادري انه مافي شي جديد بس هي طلبت شي جديد
انا : لاتقولين بتجي اللحين ترا مو رايقه لها بجلس النت واسولف مع صديقاتي من زمان عنهم و ..
قاطعتني اختي وقالت : افففف شوي شوي موجايه ارتاحي
انا : اخلصي علي ترا بدا صبري ينفذ <~ ماش مافيها طب عصبيه
اختي : كلمت امي عشان اخوها
انا : من تبي له
اختي وهي مدنقه : تبيني :$
انا : بالله كللللللللللللللللللللللللللولللللللللللللللللللللللليش مبروك حبيتي عقبالي يارب :hahaha:
انتهت المحادثه السابقه ادري بتقولون خطوبه وبعدين
بعدين الله يسلمكم انا صابني احباط غير طبيعي واول مره احس بحياتي اني غير مرغوبه
وطقتني الهواجيس معقوله انا مو حلوه معقوله كل المدح اللي كانو يقولونه عني خيال !!!1
جارتنا من عشر سنين والباب في الباب وهاتك يامدح فينا كعائله آل فلان
تدرون هالانسانه وش سوت فيني !!
قلبت ليلتي لاكتئاب ودموع وبكى زين اللي مسكت نفسي قدام اختي والا اصلا كانت العبره خانقتي لو قالت لي بس وش رايكِ ؟! نزلت دمعتي مثل الصاروخ
ادري اني مو اول وحده اختها اللي اصغر منها تنخطب لكن والله العلي العظيم انه شعووووووووووور صعععب واحساس
اصعب بس يخالطه شعور الوناسه اني بصير خاله خخخخ
اوكي تخطب لاخوها ماقلنا شي بس ليش تكسر قلبي حسستني اني متخفيه والا مو ماليه عينه
سبحان الله ذيك الليله حسيت ان روحي بتطلع من شدة الوساويس بس الحمد لله اتعوذت من الشيطان واتذكرت محاضرة للشيخ عبد المحسن الاحمد الله يسدده اللي كانت بعنوان لاتترك في قلبك شي وانت ساجد وهذي هي للي يبي يسمعها
WIDTH=300 HEIGHT=300
وسبحان الله قمت اتعوذت من الشيطان وصليت ركعتين لله ودعيت الله وانا ساجده ولاشعوريا جلست ابكي وادعي ان الله يعوضني خير (ملاحظه انا ماذكرت هالشي من باب الفخر لا استغفر الله بس عشان ابين لكم وشلون الانسان اذا شكى همه لله يحس بسعاده لامثيل لها)
وجلست استغفر واسبح وعدت ذيك الليله بحلوها ومرها بالنسبه لي
وحاولت اتمالك نفسي قدام اهلي وفتحت النت وجلست اسمع قران ومحاضرات وهذي بعض المحاضرات اللي سمعتها
وحسيت من بعدها براحه عجيبه اللهم لك الحمد
WIDTH=300 HEIGHT=300
WIDTH=300 HEIGHT=300
http://www.tvquran.com/
بعد مرور تقريبا اسبوع من الحادثه السابقه كنت اتصفح عالمي الوردي <~ ماتلاحظون انها لازقه بهالعالم
فجاءه جتني وحده وفاتحتني في موضوع اخوها وطبعا الموضوع باء بالفشل من اول كلمه مدري ليش !! خخ الله يعوضني انا ووخيتي بازواج صالحين عاجل غير آجل
المهم بعد ماراحت من عندي هالوحده ياالله حسيت بسعاده واني انسانه مرغوبه اللهم لك الحمد
الفرق بين الانسانتين اللي كلهم جو يخطبو من عندنا جارتنا المصون كل مااتذكرتها جتني غبنه وغلقه الله يسامحها
امما الانسانه الثانيه والله اذا اتذكرتها دعيت لها (الله يدخل السرور عليها مثل ماادخلته علي ولايجعل للحزن عليها باب)
شفتو كيف !!
مايستفاد من الموضوع :
1) ادخال السرور على المسلم والمسلمه مو يجلب السعاده وبس لا يمكن الله سبحانه يهيء لكِ من يدعي لكِ مثل مادعيت لهذيك الانسانه الله يسعدها ويرزق اخوها بالزوجه الصالحه
2) اذا شكيتي همكِ لله الواحد القهار بتحسين بشعور غيير رغم ماتحسين فيه سووه الشي وصدقوني بتدعون لي
3) الاستسلام للافكار الهدامه يهدم شخصيتكِ وشكلكِ وتعاملكِ وكل شي جميل بحياتك
4) اتعوذي من الشيطان واسئلي الله الرضا بقضاء الله وقدره
واخيرا يابنات ارجو منكم تدعون لي بالخيره في اموري كلها ويرزقني الله بالوظيفه عاجل غير آجل
ورجاء مشرفات لاتنقلون موضوعي من هنا لانه يجمع الديني والاسري والاجتماعي يعني كوكتيل فاكيد مكانه المجلس العام وجزاكم الله خيـر
ملاحظه بنات كبر قريح انا مااذكرت هالشي عشان اني حاسده اختي والا شي لا اعوذ بالله ان شاء الله اموت
وانا ماحسدتها بس الهدف منها ان جارتنا الله يستر عليها حسستني اني انسانه مو مرغوب فيها
واسئلو اي وحده في مثل موقفي اكيد بتحس نفس احساسي وشوفو حتى مواضيع بنات هنا كيف شعورهم
صح وناااسه بس في نفس الوقت غبنه والا اصلا موضوع خطبتي انا واختي ذهب ادراج الرياح الحمد لله الله يعوضنا خيرا منهم
وكنت اتمنى اصير خاله قبل مااصير زوجه خخخخ <~ برا
وترا الاختلاف بالرأي لايفسد للود قضيه وتراني جديده بقراطيسي : )*
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
