شاقين القاع وقايلين مباااااع

ماشاء الله تبارك الله ماعندي هالمشكله الا بسيطه
السر في اللعب
العصر يطلعون الساعه 5 الى 6 والا 6 ونص يرجعون من برا تعبانين طبعا يطلعون للساحه قدام البيت انااشوفهم
ومعهم اولاد الجيران وابوهم احيانا وابو جيراننا احيانا اذا مافيه احد ما اطلعهم المهم
يلعبون ويتعبون يرجعون هلكانين
بس يتفرجون ساعتين يهجدون للنوم
الصباح ايام الاجازه انا منميه فيهم حب القراءه الرسم الشخبطه ويلعبون بالعابهم
وكمان للاكل دور كبير
قللي الاكل اللي ينشطهم بزياده
مثل العنب
والشوكلاتات والبطاطاسات وركزي في الاكل على الفواكه السلطات قنني لهم الاكل
وكمان البلاستيشن يزيد المشكله
القيم بوي يزيد المشكله ققنيها
كثره الجلوس على التلفزيون يسبب مشكله
اذا قدرتي سجليهم في نادي تعليم وتدريب الكراتيه والتيكواندو
او نادي للسباحه
العبي معاهم العاب المعلومات
حطي لهم مكافات للخط
مكافات لحفظ القران
مكافات للادب اسبوعيه
مكافات للمعلومات
اشتغلي بالمكافات
انتي ما قلتي كم اعمارهم
انا عندي ولدين واحد 5 سنوات والثاني 10 سنوات
وبها الطريقه احاول السيطره عليهم المكاقات والحرمان يعذبهم
مثلا كل يوم بعد اللعب في العصر يروحون للبقاله اعاقبهم احرمهم من البقاله
مسموح لولدي الكبير ساعتين بلاستيشن في اليوم يضرب اخوه يقل ادبه احرمه اليوم الثاني ما يلعب اكافئه ساعتين اسبوعيا اذا صار سلوكه مؤدب
المشي العصر ينظم النوم في الليل ويخليه عميق
تنظيم الوقت والمحافظه على الصلاه والوجبات من البيت هذي اشياء مهدئه
كثره التفرج على التلفزيون مضره شوفينا كنا نتفرج ساعتين باليوم مع القناه الاولى وش زيننا
ولا كنا مثلهم
قنني كل شيئ وعوديهم عليه
رح تشوفين الفرررق الكبير في تربيه اولادك
واكثري من الدعاء لهم
الدعاء
الدعاء
بحول الله تلاحظين فرق
اسال الله ان لا يحرمك حسهم ويحفظهم لك
واهم شيئ لا تركزي على كل حركه يسوونها وتقعدين على روسهم
ونوميهم قبل وقت نومك بساعه الى ساعتين
والصباح اصحوا مع بعض
لا ينامون الظهر ولا المغرب
لا تتعدى الساعه 11 االا وهم نامو
من الساعه 10 يفرشون اسنانهم ويجلسون بغرفتهم
العبي معاهم بوسيهم ضميهم دلعيهم ارسمي لهم اقروا قصه وحكايات ضحكيهم ثم اتركيهم في النص ساعه الثانيه في اسرتهم يالله ننام
لا يشوفون التلفزيون قبل نومهم بساعتين الى 3 ساعات هذ الحركه تخفف من توترهم وتخليهم اكثر استعداد للنوم
التلفزيون يكون طافي ما يشتغل الا لهدف او برنامج محدد كذا افضل لك ولهم
والله يسعدك واياهم يارب
طولت عليك بس ان شاء الله يكون كلامي مفيد

ماشاء الله اللهم انى اسالك من فضلك

لا تشكيلي ابكيلك
أنا عندي بنت ولد يمتحنون
وعندي بنت بالابتدائي وطبعا لها اسبوعين معطله وجابتلي الجنان هي وولدي الصغير
وطبعا أنا مااقدر اطلع واتحرك من البيت علشان امتحانات عيالي
ومن كثر ماهي طفشانه علشانه على قواتها منطقه بالبيت حطت الحره بااخوها
كل
يوم اقوم وأنام على هواشهم

كلامك مفيد جدا وحالا للتطبيق الله يسعدك

والله انا اصحيهم بدري الساعه 7 وافطرهم ويجلسون في الصاله واخلي سبيستون شغاله وارجع انام الين الظهر بعدين تجي الساعه 8 خلاص بينامون وبعدين انا اجلس فاضيه محد مزعجني