الموضوع مغلق

زميلتي تبيني اساعد اختها على حساب خراب بيت ثاني!!قديم


مساكم ورد وعطره.
اخباركم
:26:
ماطول عليكم وبفوت بالقصه دوغري.

اخت زميلتي عمرها 28 متخرجه وجالسه في البيت واحيانا اذا طفشت من البيت تجي تزورنا بالعمل تسولف وتوسع صدرها. .
انطباعي عنها هااااديه طموحه وتميل للتدين. .


المهم ان لها فتره ماجاتنا في العمل وسألت زميلتي عنها وقالت مشغوله وبعد يومين قالت لي زميلتي عندك شريحة جوال ماتبينها ابي اشتريها منك.
قلت لها لا والله ماعندي قالت طيب ممكن اذا رحتي للسوق تشترين لي ؟
قلت لها ليش قالت الشريحه بعطيها اختي/اللي تزورنا/ لان عندها مشكله وتبي شريحه.
بصراحه خفت من الموضوع و اختها جالسه في البيت وعندها ابوها واخوانها مايقصرون عنها ومابي اعينها على شي مدري انا عنه ورفضت طلبها..
وكررت طلبها بعد اسبوع وقلت لها مقدر اساعدكم الا لما اعرف وش هي المشكله وقالت لي:

ان اختها كانت على علاقه برجال لما كانت تدرس في الجامعه وبعدين تزوج وقطع العلاقه مع اختها وبعد سنتين من زواجه رجع يكلم اختها ورجعت علاقتهم!
وزوجته شكت فيه وقامت تدور على دليل يدينه.
خذت جواله وفتشت بالارقام وشافت رقم اختها محفوظ بدون اسم
حفظته عندها وفي اليوم الثاني دقت عليها من جوالها وتهاوشت معاها وهددتها قالت لها انتي تعرفين انك تكلمين رجال متزوج استري على نفسك بدون فضايح وابتعدي عنا والا والله تشوفين شي ماعمرك شفتيه.

خافت من التهديد وبكل جرأه ووقاحه راحت ودقت على خويها
وقالت له زوجتك لقت رقمي عندك واتصلت علي وهددتني عصب وقال لها خليك عالسماعه لاتسكرين
قام ودخل على زوجته وذبحها من الضرب وهي تسمع
»خربت بيتهم الله ينتقم منها«

واليوم الثاني لقت اختها رسايل من زوجته وقالت لها خربتي بيتي بسببك واهانه وانهنت وضرب وانضربت وباخذ حقي منك بيدي ولو على طلاقي والله ماراح اخليك تتهنين وباخذ حقي منك يعني باخذه.
من بعد الرساله راحت وقالت لامها وابوها عن المشكله وقالوا لها جيبي شريحتك حتى ماتقرين رسايلها وتعورين قلبك !!!!!
خذوها منها وبعد مرور اسبوعين من القصه تبي شريحه ثانيه لاختها بمساعدتي!!!!
طبعا رفضت اجيب لها.
قامت اختها ودبرت لها شريحه وعطتها! !

ومن بعد السالفه كرهت زميلتي واختها وعايلتهم كلها.
وماودي اشوف خلقة اختها . .
الله يكفينا شر هألدنيا.

110 تعليق 10,935 مشاهدة

شاركي في النقاش

سجلي الدخول لإضافة تعليق.

التعليقات

107
  1. @am_dlaa_5


    أعوذ بالله

    يعني لو تكلمه بدون مشاكل كان قلنا يعني يعني تحبه ومو بيدها<< مو عذر بس نبلعها

    لكن بنت اللذين تكلمه وهذاك الخروف يمد ايده على بنت الحمايل والأصول إلي حافظه وصاينه شرفه

    عشان وحدة ما تسوى ظفرها لاااا وهذيك تسمع!!

    وبعد كل هذا تتشكى لأهلها بدال ما يربي بنته يقولها جيبي الجوال عشان لا تقرين رسايلها وتعورين قلبك!!

    هزلت والله وعلى الدنيا السلااااام

    وانتي بعذرك تكرهي هالفعايل وقلة الأدب وانتبهي منهم وقوليلها بوجهها ترى ربي ما يرضى بالظلم

    وأختك ظاااالمة خافوا من الله وابتعدي عنهم الله يستر علينا وعليك

  2. @am_aog

    من بعد الرساله راحت وقالت لامها وابوها عن المشكله وقالوا لها جيبي شريحتك حتى ماتقرين رسايلها وتعورين قلبك !!!!!



    lمعليش اعتبريني غبيه وما أفهم


    مين الي راحت وقالت لامها الزوجه المضروبه ولا البنت الي كانت تكلم الرجال؟؟؟؟؟؟؟؟؟؟؟؟؟؟؟؟؟


    والي تبغى الشريحه المضروبه ولا البنت الي تكلم الرجال؟؟؟؟؟؟؟؟
  3. @fgralmady

    ام اوج
    من بعد الرساله راحت وقالت لامها وابوها عن المشكله وقالوا لها جيبي شريحتك حتى ماتقرين رسايلها وتعورين قلبك !!!!! lمعليش اعتبريني غبيه وما أفهم مين الي راحت وقالت لامها الزوجه المضروبه ولا البنت الي كانت تكلم الرجال؟؟؟؟؟؟؟؟؟؟؟؟؟؟؟…
    كيف اهلها راضين بكذا مافهمتً?????????????
    :o

تابعي تجارب أخرى من هذا القسم.