مرحبا دكتورة
دكتوره انا لما رحت أول مراجعه الدكتورة ماعطتني فولك أسيد لان تقول انتي مادام تاكلين تاخذين الفولك أسيد من الخضروات وبعدها بأسبوع بلش معاي الوحام وماكنت أطيق آكل أي شي بالمره
وحتى الفيتامينات اللي كتبتهم لي بلعت منهم 3 حبات بس وبعدها صار عندي امسااااك مو قوي الا بغيت أموت منه وبسببه طلعت لي بواسير مو مخليتني أنام الليل
ومن بعد ماشفت الامساك ماقمت أبلع ولا حبه وشوفة عينج يادكتورة هذا انا بدخل يوم الجمعه بالاسبوع ال 11 وانا لاكليت خضروات مثل ماقالت الدكتورة ولا عطتني حبوب فوليك اسيد ولا قاعده ابلع حبوب وحاسه ان خلاص مافي مجال آكل لان يقولون بهالفترة الجنين خلاص تكون كل شي فيه ومرعووووووووووبه وخايفه يكون فيه شي
دكتورة الله يسعدج دنيا وآخره طمنيني تتوقعين اذا ما أكلت حبوب الفيتامينات ولا الفوليك أسيد راح يكون الجنين بصحه ومافيه شي ولا راح يكون فيه تشوهات
الله يلعن ابليس والله صار فيني وسواس
اهي حاطتلي موعد بتاريخ 3\4\2006 يصير يعرفون اذا الجنين فيه شي ولا لأ
أدري دوختج سامحيني يالغاليه
ومشكوووووووره مقدما
اخواتى الفاضلات بمنتدى الحمل والولادة تجمع ثالث جديد لتلقى الاسئلة للدكتورة راندة
متابعة النقاش، صفحة 464