اخوي كان مُبتعث لفرنسا يدرس هندسه بأخر سنه دراسيه
تزوج فرنسيه ومارضت تجي معاه للسعوديه رافضه رفض نهائي انها تجي حتى لو زياره
ابوي وامي زعـلو عليه وخاصموه شهور مايكلموه
حتى امي صارت حالتها النفسيه تعبانه لان اخوي ولدها الكبير وكانت تبي تفرح فيه وتزوجه على كيفها
الحين صار على زواجهم 3 سنوات بدون اطفال
اخوي بالسعوديه متوظف الان لان امي وابوي قالوا له خلك هنا اذا استقريت بفرنسا اعتبر ان ماعندك لاابو ولاأم
ولا تعرفنا ولانعرفك اخوي تقبل كلام امي وابوي بس
يروح لها اذا اعطوه اجازة شهر بالسنه يروح فرنسا لها ؟؟؟
بالله وش هالزواج طيب ؟؟اللي بس يشوفها شهر بالسنهـ ورافضه تجي السعويه رفض قطعي
امي وابوي شارو عليه يتزوج وحده من معارفنا بس هو رافض يقول يحب زوجته الفرنسيه
انا اتوقعت ان هالفرنسيه حلوه والله الذي لااله الاهو مافيها ذرة جمااااااااااااال ابدا وغير كذا مبين انها فوق 40 كبيره وشكلها مافيها عيال الحين امي قالت لي تبي تخطب وحده اعرفها وتبي تزوجه غصب عنه وتبيني اروح معها نخطبها شورو علي وش اسوي حتى ابوي يقول روحو اخطبوها غصب عنه يتزوج وحده من هنا
شاركي في النقاش
سجلي الدخول لإضافة تعليق.
التعليقات
92- مصيره بيتركها ويرجع لعقله
بس ياقلبي لا تخطبوا له مو عشانه لا اا
لان بنت الناس تتعذب بعدين حرررام تتعذب
او عطوها خبر من بدري
طريقتكم خطا تعالجوه بخطاا
وماتروح فيها غير البنت اللي تخطبوها له غصب عنه - لا تغصبونه الولد كبير وعاقل مايصير زواج بالغصب حرام ويش ذنبها بنت الناس تتعذب معاه بعدين ومايحبها ولايبي يتزوجها
خلووه اللين يطيح باللي براسه وهو بعدين بيجي يقول اخطبولي - لا تزوجنه حرااااااااام تنظلم السعوديه
- الله يعينكم لكن تبين نصيحتي حراااام تظلمون البنت وانتم عارفين ان قلبه مع الفرنسيه وش
ذنب السعوديه اللي بتاخذه .. يا انه يطلقها باقتناع او يتزوج عليها وهو مقتنع ومافيه شيء يجي بالغصب
لاتظلمون البنت اللي بتخطبونها . - لا طبعآ لاتروحي معاهم تخطبون له ..هو مو طفل ..تآكل بالقوة ..تشرب بالقوة ..تلبس بالقوة ..!
حرآم بنات النآس أيش ذنبهم ..؟؟
بكره يطلقها أو يعيش معاها على مضض ..!
طيب وإذا خلفوا عيال ..وهو قلبه هناك في فرنسا ..!!حرآم يظلمهم ..
الا إذا قلتوا للبنت عن كل شيء وهي رآضيه ..
ساعتها تكون طلعت الشغله من ذمتكم ..
ترى بعض البنات ماعندها مشكلة ..متعشمة بنفسها خير إنها تقدر تغيره وتخليه يحبها ..!
مواضيع مشابهة
تابعي تجارب أخرى من هذا القسم.