موضوع جديد لاستقبال اسئلتكم د/علا أحمد

دكتوره ولدي عمره 6 شهور وهو يسنن الحين مشكلته مستحيل يذوق الحليب مايبغاه بس مويه وانا للحين باقي ما اكلته شي
صار مايشرب رضاعه الحليب من بعد ما جاته حراره لمده يوم واسهال وانت بكرامه خف اليوم اللي بعده واليوم رجع تبرز اسهال بس مره وحده وديته دكتور قال عادي لايزيد الاسهال عن 3 ايام وعطاني محلول ضد الجفاف بس موراضي يشربه ولاراضي يشرب الحليب تخيلي يوم كامل رضع حليب 90 مل ونام وصحى وشلته واستفرغ الحليب جلس 8 ساعات وحاولت الين ماخليته يشرب 30 مل ونام وصحى قعد يلعب ورجع شويه حليب
وش الحل ربي يسعدك وهل هذا طبيعي مع التسنين مايذوق شي غير المويه

السلام عليكم ورحمة الله وبركاته
ولدي عمره ثلاث سنوات والشهر الجاي يكمل اربع الله يخليه ويحفظه ويشفيه
قبل ثلاث ايام جات له حرارة وفجأة شفته تشنج وعيونه ارتفعت واطرافه ترتعد
المنظر مرعب انا قلت ولدي راااح وجلست اصارخ وانا في بيت اهلي وكلنا ارتعبنا واستمر دقيقتين او ثلاث دقايق على نفس الوضع وبعدها خف التشنج بس جسمه خاااااااامل و مفتح عيونه وما يحس باللي حوله ابد الله لا يعيد هالمنظر ورحنا المستشفى وتنومت معه ووصفه الدكتور انه تشنج بسبب الحرارة وفي المستشفى بعد تشنج مرة ثانية قبل لا يعطونه خافض للحرارة وشاف الدكتور وضعه وقال هذا تشنج حراري وعمل له اشعه مقطعية رنين مغناطيسي على المخ والحمد لله طلع سليم مافيه شي وعمل تحاليل وكلها سليمة
انا قريت كثير عن هالموضوع بس انا ابي احد يطمن قلبي لاني الحين عايشة في حالة رعب وقلق انها تتكرر مرة ثانية لاني مااتحمل اشوف منظر ولدي وهو كانه بيموت الله يبعد عنه الشر
و وش الفرق بين اشعة المخ وبين تخطيط الدماغ وش هو لان الدكتور كتب لنا موعد الاسبوع الجاي عشان تخطيط الدماغ
تكفين الله يطمن قلبك على كل غالي طمنيني انا من الخوف مااقدر انام كل شوي اشيك على ولدي اخاف يجيه تشنج او ترتفع حرارته وانا نايمة حتى الاكل عفته وحالتي حالة الله يعيني ويفرج همي ويشفي ولدي امين يار ب

جزاك الله خير يادكتوره وجعل ما تبذلين في ميزان حسناتك
بنتي يادكتوره عمرها اربع سنو ات ونصف يجيها مغص بعد الاكل وقبل الحمام من عمرها اربع اشهر
وعرضتها على اكثر من طبيب يقولون مافيها شي يمكن غازات
وقبل فتره اصيبت بنزله معويه ودخلت الستشفى وزاد معاها المغص ا كثر حتى بعد شفائها من النزله
وعملنا لها تحليل براز طلع سليم واشعة سوناروطلعت سليمه
سؤالي ماهو سبب هذا المغص ؟
وبعد هذي الايام لاحظت لون البراز "اكرمكم الله" صاير اسود