السلام عليكم
بنات زوجي يحب السفر ولو اقوله خذني معك يقول بروح لحالي مع شباب وارتاح من الازعاج وبنفه عن نفسي ومن ضغوط الدوام والمشكله الي يحط في باله السفر الي يروح لهم في الاستراحه بعضهم عيال عمه وبعضهم اصدقاءه الله لا يوفق الي قال له خلنا نسافر وكلن خوفني يقول ليش توافقين انه يسافرلحاله ولا ياخذكم وانا مابيدي شي اسويه اذا قلت لا تسافر يقول اذا جيت اسافر منيب مشاورك ولاهيب اول مره يسافر كذا مره وكلها للخارج واليوم تهاوشت معه بسبب يوم قال بسافر بعد العيد قلت له يابروح معك والا ماقدر انوم عنداهلي اذا سافرت لان شغالت اهلي ماتتحمل اطفال وانا عيالي الله يهديهم ويخليهم لي مشاءالله عليهم يحبون الحوس والخراب وهي تنهبل وتعصب وتقعد تصيح وانا معارضه سفره لها السبب خايفه من شغالتهم تحقد على عيالي وبيبهذلون اهلي ومن ناحيه الثانيه ابيه ياخذني معه زيه ابي اغير جو وتمشكلنا يوم قال انا مضغوط لانه دوامين عنده في اليوم وقلت له حتى انا بعد مضغوطه نفسيا ابي اروح واوسع صدري مثلك وعصب :mad: ومشكلته اذا سافر اقل شي 20يوم يقعد وما اتحمل اجلس ذا المده كلها عند اهلي احس بيجيني انهيار عصبي من عياله
بنات وش اسوي علشان يمتنع من السفر حاولت بس مانفع تشوفوني والله ادعي في صالتي يصرفه ربي عن السفر :icon33:
ادعو لي يمكن تستجاب دعوة منكم الله يعافيكم ويجزاكم خير والله اني في هم مايعلمه الا الله :44:
شاركي في النقاش
سجلي الدخول لإضافة تعليق.
التعليقات
13- وينكم بنات ماجاوبتوني 24 مشاهده ولا وحده ردت ياكافي على الاقل ارفعو الموضوع وانا اقول مشا الله عليهم يساعدون خواتهم الي عندها مشكله تحلونها وانا مطنشيني توقعت على طول بتجاوبوني
- 20 يوم صرآحه مره كثيره لآنه لوحده
لو آنتم معه عآدي وكمآن قلتي مآتتحملين آلوضع في بيت آْهلك
وكل وحده مآْتزوجت آْلآعلشآْن ترتآح
و كمآْن زوجك وده يرتآْح ويغير جو لآْنه دوآْمين لكن 20 يوم كثيره ومعك حق تزعلين
خصوصآْ مآْندري وش يسون برآْ (مآْاحط بذمتى)
الله يعينك مآْودي آعطيك حل لآنه آخآْف يكون مو لصآْلحك لكن من حقك تزعلين
والله يصبرك ويصرفه عن آْلسفر - الله يجزاك خير ويوفقك ويحقق امانيك يوم رديتي علي وعبرتيني:26: من امس وانا احتري ردعلى موضوعي
والله تعبت معه مدري وش اسوي يالله يارب انهم يهونون ويأجلون السفر كالعاده لانه من زمان وهو يقول بنسافر بس الى الأن وهم كلام مابعد نفذوا - ياقلبي الله يهديه ويصرف قلبه عن السفر بدونكم ويارب يهدي زوجي وزجك طيب ليش ماتقعدين فبيتك لو اصر على السفر الوحده ماترتاح الا في بيتها الله يهديهم يارب
- ياقلبي والله ماادري وش اقولك رجال احط شي براسه يسويه
عليكي الاكثار الاستغفار ادعيله الله يهديه ويصلحه يااارب
واذ سافر يقوليله راح نشتاقلك واضميه احسيه بحنان
وكل يوم تتصلي عليه تطمئني لاتخلي يوم واحد بدون الاتصال يوميا كلميه
الله يوفقك ويحقق كل امنياتك يااارب ويخليكي لزوجك وعيالك ويبعد عنه سفر وتربط قلوبكم ياااارب
مواضيع مشابهة
تابعي تجارب أخرى من هذا القسم.