عندي بكره اختبار و هالموضوع رجع من فتحه من جديد >~ الشكوى لله!
كيفكم يابنات : )
يارب انكم بخير
اااخ يابنات مو قادره اسكت ابي افضفض تعبت والله محتاجه افضفض ,, تكفين بس دعوه او كلمه طيبه منك و احتسبي الاجر : )
يابنات انا نفسيتي بالحضيض ,, تعبت والله تعبت ,, كلكم عارفين كيف المجتمع هنا يحب الجمال ,, و الله بلاني بعائله مو تحبه الا تقدسه ,, و عطاهم كلهم و لا حرمهم ,, و الحمدلله عطاني على قدي : )
لكن ذبحتني التعليقات ,, ذبحتني المواقف اللي تجبرني انكسسسسر
يابنات انا انخلقت جريئه و قويه و حقانيه حنونه و مسالمه
بس الحين و الله بديت اذبل ,, كرهت الحياه و ربي
تخيلوا قبل فتره بروح لحفلة نجاح صديقتي و متكشششخه حدي ,, و تعبانه ع الفستان فتره ليما لقيته و حطيت مكياج خفيف و حلوو و سويت شعري ستريت و خلاص بطلع اروح لبيتها و امي معي
جاء ابوي و قالت له امي هآ وش رايك فينا ؟
طالع فيني و طالع فيها و قال اخذتيها بالجمال على بنتك >> ابوي مو رومانسي ابد .. و نظرته يابنات تذبح كان صادق ,, انا ادري ان اميمتي احلى انسانه بالدنيا بعيني و يكفي هالشي
بس القهر كل هالمكياج و الكشخه ما مدحني يابنته ابد ابد
تخيلي تجين متحمسه و تنتظرين كلمه حلوه من ابوك و لا تلقينها ,,
اخ يابنات خانقتني العبره ,, عمره مامدحني بشي الا دراستي ساعات احس لو اني ماادرس كان مالي قيمه عندي ,, والله ابوي من النوع اللي يحب يتفاخر بعياله ,, انا مايمدحني الا بشي يخص دراستي ,, اختي اللي اكبر مني كل ماكشخت مدحها و سما عليها و هي طبعا ملكة جمال الله يحفظها
اختي اللي اصغر مني تشبهها ,, اذا اجتمعنا ع السفره يقولها يافلانه انتي احلاهم ,, انا كأني مو موجوده طيب راع خاطري شوي
اذا تكلموا عني و هو مثلا قاعد يمدح جمال خواتي قال لا فلانه عاد شاطره بالدراسه و فاهمه ,, يعني ايش مثلا مافي ذرة جمال ,, امدح لو كذب عادي ترا : ) :44:
صديقتي على قد مااحبها على قد ماجرحتني مليوووون مره
كل ماكشخت او تكلمنا بالجمال ,, قالت انتي يافلانه ماتشبهين اهلك ... اهلك جميلين ,,
والله اني عمري ماجرحت احد ,, و الله اني حنووونه حتى على من يغلط علي ,, و الله اني عمري مارضيت بالظلم لاحد ,, و الله اني ياما طبطبت على كل من جاني محتاج و على صديقتي هذي بالذات
ربي رزقها جمال خلاص اكتفي بجمالك و بلاش تقيميني
والله كرهت نفسي كرهت اطلع كرهت ادخل ,,
صرت امر من عند المرايه و اطالع بنفسي كل شوي من كثر ماوسوسوا فيني
كلام كثير ماودي اقوله عشان ماانجرح اكثر كل مااقراه
بس والله اني اتمنى الموت ان كان مكتوب لي الجنه ,, انا الحمدلله اصلي و اعبد ربي و ادري ان هذا اللي انخلقنا له ,, بس مو قادره اتعايش مع هالتحطيمات ,, انا خلاص تحطمت من داخل مااقدر اعيش بهالمجتمع ,, صار لي شهور ماطلعت من البيت اتحجج بالدراسه ,, كرهوني بنفسي حسبي الله و نعم الوكيل ,,
انا كافيه خيري شري يجيني تعليق من هالبنت اللي قلت لكم عليها كل مره و كانها مستخسره فيني اني البس او اتكشخ كانه انتي يافلانه مو حلوه خلاص
ذبحتني كل ماكشخت الا كالعاده تقول ,, بس انتي يافلانه كأنك مو من أهلك ,, اختك تجنن امك جميله ابوك حلو :09:
و لاتقولون غيره لان ماعندها سبب تغار هي جميله جداً و هذا رأي كل من شافها ,,
دايم تقولون الجمال جمال الاخلاق ,, والله اني و بدون مدح لنفسي احب الناس كلهم ,, ماقصر بحق احد ابد ,, مااحب اجرح احد ,, صديقاتي ابديهم على نفسي ,, و هذاهم يحبوني حتى اللي عن طريق النت ماقصر بحقهم ,, بس بالنهايه هذا انا خلوقه و ماسلمت من تعليقات المجتمع اللي انا عايشه فيه من غير صديقتي عاد !
انا من رمضان اللي فات ادعي ربي يرزقني الجمال و ادري انه بيرزقني بس مو قادره اتحمل هالتعليقات لذاك الوقت ,, ان كان قريب او بعيد ,,
حتى اني شفت منام بشرى بالزواج والله اني ودي بس مااقدر لاني اكرهني و لا اقدر اروح و اجي و تكون علي الاضواء
حسبي الله على من حطمني حسبي الله
تكفووون يابنات ادعولي كان ربي كاتب لي الجنه ياخذني لعنده لمكان مافيه جروح و لا مصايب
و ان كان ماكتبها لي انه يهديني اكثر و يجعلني من اهلها ,,
تنصحوني ادعي بالليل بهالشي ؟ ان ربي ياخذ روحي و انا رايحه للكليه ان كنت من اهل الجنه ؟
مجرد فضفضه ,, بانتظار كلامكم الطيب و قصصكم المشجعه ان كان احد منكم مر بهالشي