سلاااااااااااااااااااااااااامممم
كيف الصبايا في ( الويكـ انـد ) ....
لا حس ولا خبر ... ولا فيكم وحدة عملتها وولدت ؟؟؟!!! بعدكم صابرات ؟؟؟ الله المعين ...
شكلكم كلكم راجتوا الطبيبة هالاسبوع ؟؟.... انا بعد !! بس كدرتني !!!
الضغط نازل والدم نزل لـ 8 .... و وزني نزل والبيبي نازل عدل بعد الحمد لله ( يعني اشتغل عالواطي ).....!!!!!!!!
ما ادري ويش الحل ؟؟؟ طول الوقت تعبانة ودايخة ولا اتحمل اوقف شويتين على بعض ..........................
المهم ...
iraqya ...... مشكورة ورحم الله والديك على المعلومات والمواضيع الحلوة ... تسلم ايدك وربي يسهل عليك بحق محمد وآل محمد ... قولي ان شاء الله ....
أميرة الاحساس ..... اعتقد ان ماركة جونسون هي من افضل الماركات الموجودة .... جربت انواع ثانيه بس ما عجبتني ... والناس اذواق .... آخر مرة اشتريت لولدي الصغير بودرة جونسن اللي بالبابونج واللفندر ريحتها مرة حلوة وايضا صابون الجسم السائل ( لون العلبة بنفسجي ) مكتوب عليه يستخدم قبل النوم بس انا استخدمه ايضا الصباح وهو ايضا برائحة اللفندر عجبني كثير تظل ريحته اللطيفة في جسم الطفل .... بالنسبة للكريم الخاص بمنطقة الحفاظ انصح الكل يستخدم ماركة فازلين ( علبة كبيرة غطاها ازرق وعلى العلبة رسمة طفل ) لأنه جل عادي من غير اضافات طبية اخرى ... تقي المنطقة من الالتهابات ... وانا استخدمه لأطفالي الى ان يتركوا الحفاظ ومع كل تتغيير والحمد لله ولو واحد منهم اشتكى من الطفح الجلدي ... لأن الجل يكون طبقة رقيقة عازلة تحمي الجلد من البلل ومن الحفاظ نفسه ......
لمسه ذوق .... تصدقين آخر ولادة لي جلست من النوم متأخرة حسيت نفسي تعبانة وفيه شي مضايقني بس مو الم طلق ... تالي انتظرت الى الظهر ونزل علي دم خفيف ... قلت لا ... لازم اكلم زوجي ... وفعلا جا اخذني للمستشفى حتى اتأكد وطع انذار صادق مو كاذب ... اشوي الا الم الطلق ابتدى .. واشتغل شغله العدل .. وانا اصرخ ابي عملية ما يخصني ودوني العمليات و الممرضة تضحك وتقولي ان غرفة العمليات مشغولة مع اني ضربتها وصرخت عليها ... وما ولدت الا الليل بعد المعاناة ...
أساور ... شخبارك ؟؟؟ عندي احساس انك بتولدين قريب .. ( كلمات تشجيع ) ....
مرام القلب .... لا تشيلين هم الرشاقة انا في حملي الاول زدت اكثر من 12 كيلو .... ولازال جسمي غزال اقصد بطة الحين لأني حامل .....
البسمة البريئة .... ان شاء الله تولدين في موعدك بالسلامة .......
نوف الحربي .... خذي راحتك في الطلعة واشترى كل اللي تبينه .... واتعشي بالعافية انتي والبنات ... قبل لا تولدين وتنحبسين شوي ....
doja ..... اذا غسلتي شعرك من الحنا .. لا تنسين تمسحينه بشوي زيت زيتون حتى يثبت اللون ....
رحاا ..... كيف البيبي ؟؟؟ لا تخافين كل اللي الله كاتبه بيصير وان شاء الله بيكون خير !!!!
أم شما ... وينك ؟؟ انت موجودة ولا انا اللي عميه ما اشوفك ...
إيثار قطر ... كيفك ؟؟؟ انا بعد اقول بس تولد وحدة بتفتح لنا الطريق !!! بس عاد منهي الشاطرة يالله ؟؟؟
همسة غلا ... لا تثقين بالرضاعة كثير ... واللولب انا اللي اعرف انه ما يصلح للي اقل من 35 سنة ... بس ما ادري ؟؟؟
وباقي الخوات .. سلامي ايضا لكم ... لني تعبت من الكتابة ... باروح ارتاح شوي ويمكن ارجع بعدين ... اذا ... اذا ناموا اليهال ...
تجمع جديد ......بس للي موعد ولادتها شهر اربعة.........حياكم
متابعة النقاش، صفحة 162