الموضوع مغلق

اليوم صارلي موقف مع بنتي رعب وربي عمرها سنتين تعالو شوفو وش صاار؟/ استوفى الردود+قديم

جالسه اكتبلكم وجسمي الى الان يرتعد من الخريعه طبعا استاجرنا بيت ارضي ورحت انظف فيه اخذت بنتي معي عمرها سنتين بسم الله عليها المهم دخلنا البيت ابوها قال انا رايح شوي واجي وراح ودخلت المطبخ بنظف وتدخل بنتي وتجيب كل اغر اضها عندي مويا وعصير وشيبس وشوي وتطلع من عندي رديت باب المطبخ شوي ولا يسكر وتجي هي وتقفله علي تخيلو الموقف بحياتها ماعمرها قربت الى المفاتيح سبحان الله قضاء وقدر اول شي الوضع عادي اقولها ماما جيبي جوالي جيبي الو عشان ادق على بابا يجيب حلاوه بالعاده هي حيل تطيعيني تخيلو تنحت :icon33:اقولها عطيني المفتاح من تحت الباب مافي فايده شوي ويبدا الفلم وتصيييييييييييييح باعلى صوتها احاول اهديها الاعبها مافي ماما تعالي ماما انا نام يعني ابي انام اطلعي ياماما ياربي انا وربي مدري شلون مسكت نفسي واقرى وادعي واستودعها ربي تخيلو يديني تورمو الى الان الوان صارو من كثر ماحاولت بالباب ياقلبي احس صوتها راح من كثر ماصاحت اخر شي اعطيها من تحت الباب شيبس الاعبها واقولها عطيني يلا ياماماوتعطيني شيبس لحد ماجا ابوها وركضت عليها وضميتها وسميت عليها وشربتها موي ورجعت البيت وقريت بمويا زمزم ومسحت جسمها كامل وشربتها هي الله يهديها احس الموقف موحيل اثر فيها لكن انا اللي ابي احد ينسيني الموقف كل شوي اتخيل الموقف واقعد اقول ياربي لو انها طالعه مع باب الشارع وش صار لو ابوها متاخر علينا اكثر من ساعه ونص وش صار لكن بالنهايه كل هذا قضاء وقدر
طولت عليكم يابنات حوا بس وربي من الضيق اللي فيني مالي احد بعد الله غيركم بس حبيت اسالكم عن اشياء استغربت منها

ليه بنتي قبل لايجي ابوها بدقايق شالت البنطلون ونزعت الحفاظه وتبكي تقول ماما ككا :44:لكن طلعت ماهي موسخه ولا شي بس يمكن قلت جالسه تحاول فيني اطلع لانها عارفتني اذا فسخت الحفاظه لعب ازعل عليها:icon33:

شااااااركوني وريحوني احد صار له موقف زي كذا اللي مضايقني اني ارتحت للبيت اول ماخذناه لسى مانقلنا له بس مدري ليه احس اني كرهته من موقف بنتي ولا شرايكم يابنات حوا وخاصه اننا عانينا لحد مالقينا بيت كل مانلقى بيت فجاه يروح علينا يطلعون ناس حاجزين قبلنا هذا البيت اللي حصلناه ماشالله واسع وحوش والله متضايقه وسعو صدري وريحوني تكفووون
لونت لكم الخط عشان ماتملون :icon33:

129 تعليق 18,681 مشاهدة

شاركي في النقاش

سجلي الدخول لإضافة تعليق.

التعليقات

128
  1. اولا منزل مبارك حبيبتي
    ثانيا هونيها وتهون
    عادي كل الأطفال يسووونهالحركات
    بس انتي شيلي المفاتيح وعلقيها
    عشان لاقدر الله ما ينعاد الموقف بوضع اسوأ من كذا
    والحمد لله ع كل حال
  2. @algohr_2

    هالامور تصير وايد حبيبتي مع الاطفال و مواقف اصعب من كذا بس الواحد يحمد ربه ان الامور مشت بخير و بسهالة
    و الله يبارك لكم بالبيت الجديد عقبال بيت الملك
  3. @flh_47

    ريحي نفسج حبيبتي..
    الموقف جدا عادي ومافيه اي شي يخوف..يعني موقف يصير لاغلب الاطفال
    وهذا اذا باب المطبخ..
    اجل ايش تقولين لو تجين وتشوفين ولد بنت خالتي؟..يقفل باب المطبخ, الغرف,الحمامات..
    ومليون موقف صار معاه..لدرجة وصلت انه طلع الشارع ..
    المهم ترى الموقف ما يخوف ...هدي نفسج وتعوذي من ابليس ..
    ترى اكثر الاطفال سووها وياما قفلوا على انفسهم الابواب...
    والله يحفظ بنتج يارب..
    تقبلي مروري..

تابعي تجارب أخرى من هذا القسم.