عندي خيااال واسع تجون تسمعون خيالاتي

اقلطي وخلي عنك العجز كلها نقرة وحده وتقرين الموضوع كااااامل ...........,,,,,>>>كأنها حركاتي هههههه

















والله يابنات اني عندي احلام مثلا ؛
يوم انا باللابتدائيه كنت اتخيل امي مديره مدرسه وامي المسكينه في بيتنا ماعندها شهاده تقطع ملوووخيه بحكم اني كنت اشوف بنات المدرسات مدلعات ودايم من الاوائل ويشاركون بالحفلات وينشدون كان مافي بها المدرسه الا هم وكل سنه تقريبا
ويوم كنت بالمتوسط كنت دايم اجلس جنب البرادات واجلس اتخيل اني قاصه شعري بوووي وان البنات بينهبلون علي ويكون عندي شلات كثير اقعد معهم
ويوم كنت بالثانويه كنت اتخيل اني اروح زواجات واجلس ارقص واكسر ضهري خاصه بدق المصري والكل يطالع فيني وانا بالواقع حيووويه لابعد حد ومااعرف ارقص

ويوم في الكليه كنت اتخيل اني من بنات النعمه وراعية سفرياات وحركات اطلع مع خوياتي السوق وفله وبالحقيقه انا متوسطه حال وماقد طبيت برى السعوديه ومحبوسه بالبيت مافي زوارة صديقه ولا جيران

ويوم بعد الكليه كنت اتخيل اني بتزوج واحد غني وبيدلعني دلع وبيسفرني وقصر وخدم وحشم وازور صحباتي ويسير عندي حمولة مجتمع ثاني اعرفه غير اهلي
اخر شي تزوجت واحد مدرس مايحب السفر للخارج ومعلمني قيمة الريال واهله من تزوجت ولدهم وهم مايشتهون اجي بيتهم يخلوني بالمجلس لحالي ساعه كامله ماحد يقدرني


طيب بعد الزواج وش تمنيت مادري انقطع عندي ارسال الاحلام سرت اتمنى الرضاء من الله والذريه الصالحه والمعافاه وطولت العمر لوالديني ربي لا يحرمهم الجنه امين ويرزقني الوظيفه الي مااخلي اخت لي او قريبه محتاجه وربي لاعطيها من عيوني
...

ادري بعضكم بيقول وش هدفه هالموضوع مشوها هالمرة وجاملوني وربي ابي اسولف والله تفشاااااانه تفش مو طبيعي
شوفو لدرجة اني قلبت الحروف من ط >ت تفشانه =طفشانه

انتو زيي باحلامكم او بس انا :44:

49 تعليق 2,607 مشاهدة

شاركي في النقاش

سجلي الدخول لإضافة تعليق.

التعليقات

49
  1. ياحليلك يااختى
    والله ان شاء الله يحقق لك كل امانيك ماتدرى ايش بالغيب يمكن ربى يرزقك رزق كثير من حيث لاتتحسبي وتسافرى وتلفى الدنيا الله كريم
    يارب يامنان ياحنان ارزق اختى الوظيفه واغنها بحلالك عن حرامك وافتح لها ابواب الرزق واغدق عليها من رزقك ياكريم انك القادر على ذلك يارب
    اختى انتى صابره والله يجزى الصابرين من غير حساب
    وانا مثلك احب احلم ولو ان بعض احلامى يارب لك الحمد تحققت والان اهم امنيه فى حياتى ربى يرحمنى ويجعل الطمانينه فى قلبى
  2. @hola_mhtrmh

    صاحبة الموضوع
    اسيرة الأمل
    ياحليلك يااختى والله ان شاء الله يحقق لك كل امانيك ماتدرى ايش بالغيب يمكن ربى يرزقك رزق كثير من حيث لاتتحسبي وتسافرى وتلفى الدنيا الله كريم يارب يامنان ياحنان ارزق اختى الوظيفه واغنها بحلالك عن حرامك وافتح لها ابواب الرزق واغدق عليها من ر…
    تسلمين ياعسل والله ينزل على قلبك الطمأنينه ويبعد عنك همزات الشياااطين ويريح بالك من التفكير
  3. @mzagyh_34

    ههههههه أنا خيالاتي يطلعن في ثلاث أشياء فقط لاغير

    1* اذا حطيت رأسي على المخده
    2* بالاختبارات
    3*بالمحاضرات
    بهالحالات الثلاث يتوسع عندي الخيال بشكل مو طبيعي

تابعي تجارب أخرى من هذا القسم.