تعيبين بشي وصار لك >_< :/ وخصوصا في النصيب اكتبو موافقكم/قديم

أنا كنت اقوول مااخذ من غيررر قبيلتي ولا أخذ واحد حلوووو
وسبحااان الله دااائم اعاارض البنات اهم شي هالنقطتييين وصاررر ربي يخلييييه لي ولا يحرررمني منه

ذكرتوووني
كان عندي شرووط
ابغى واحد طووووويل ومااهو موظف يعني يشتغل اعمال حره ..وابي اطلع من قريتنا وكنت ابي اسكن بالمدينه الي انولدة وعشت طفوولتي فيها .. وكنت ابي اطلع من عائلتنا ..وكنت احب عااائله معينه ومعجبه فيها كثير
وكاانو الي حوولي يقوولون راح يصير لك العكس

بس سبحاااااااان الله جااني نفس المواصفات الي ابيها
حتى يووم كنت اقووله اني كل امنياتي تحققت بك يقوول>>اهبي جيتس على ماتمنين


لاكن انفصلنا بعد زواج دام 6 شهووور

لاكن عرفت هالقبيله زين او بالاصح هم اعطوني فكره مو حلووه عن عاائلتهم وفخذهم
ان حريمهم عوووووب والي بروووسهن يمشنه خص عجزهم >>حسبي الله ونعم الوكيل بعجوزي الي ماخلتني اتهنى واحس اني عرووس زي غيري
وان رجالهم عقليااتهم متحجره ..

وعرفتهم بدوو او بمعنى اخر انهم للحين ماتطوورو وعاايشين حيااتهم القديمه.. وعاداتهم تختلف عن عاداتنا
خلتني اندم اني تزوجت منهم وقلت ليتي مااخذه واحد من عائلتنا على الاقل عاداتنا زي بعض
......

لاكن الحين رجعت لهلي وانا الحمدلله راضيه ومقتنعه بنصيبي
صح احبه بس الحمدلله على كل حاال
>>قصة قصة حياااتها
هههههههههههه:22:

الله يوفقك يارب ويفتح لك كل باب رزق جميل يارب

بس لاتقولين انا ماابي زواج الأقارب رافضتة رفض تام تاااااااام

ههههههههههههههههههههه بس يختي اخاف تظبط ويجيك واحد عكس كذا تراجعي احسلك سبحان من اخفى المستقبل لكي لانعلمه

تشويق سبحان الله

تصدقون امي كانت تدعي لأخواتي تقول سعيده يارب وبعيده
وصارت وحده بالجبيل ووحده بالقصيم
يوووووووووه انا وين فيه اقول لها يمه تكفين انا زي السمكه ان طلعت من الرياض مت تقول بسم الله عليس وجاني واحد من الخرج ورفضت وجاني واحد من القصيم ورفضت الله يستر المرة الجاية وين
إذا خارج المملكة مواقفه تم تم تم تم الله يتمه

ربي بيعوضك اللي احسن منه يارب

وحده من اللي اعرفهم كانت تقول والله مااخذ فلان لو يبقى اخر رجال بالدنيا

لانو كل بنات عمها ماخذين ناس تمام وهيك وكانت تلقبه بلقب شين

وسبحان الله تزوجته وخلي وحده مننا تقول هاللقب تقاطعها ماعاد تكلمها

مع انها هي اللي طلعت هاللقب

وخالتي كبيره بعمرها وعاديه جدا جدا جدا يعني مو حلوه

وكانت تقول مااخذ الا ولد ماتزوج ويكون حلو واحنا نقول مستحيل البنات امهات 20 و22 ياخذون معددين

وانتي فوق ال34 وتبين ولد انسسسسي

ومن يومها ماتنخطب الا من معددين ودايم نقول يابنت بيضيع عمرك

وماكنا نبي نجرحها انو تراك كبيره وشينه وسبحان الله وربي يابنات

تقدم لها باسبوعين بس اثنين اولاد ماقد تزوجو وكلهم حلوين حلوين حلوين

وافقت عالاول وسبحان الله ربي فكها منها وماتمت الخطبه وتزوجت الثاني

انا دايم اقول مستحيل اخذ ولد ابي معدد ولاحد يطمر لاني شاريه دماغي

واقول ماابي واحد حلووو عشان هالحلوين شايفين حالهم ولحد الحين ماصار شي

والله يستر لايجي ولد وحلو ولو كملت بعد يجي من منطقه ماحوبها عشان انجلط هون :angry2:

ايه بعد سالفه وحده من خواتي ولدها ماينام الا مزعج خلق الله ويبكي بصوت عالي

واختي الثانيه تقول اعوذ بالله وش به هذا كذا وبس تتأفف

وسبحانه تحمل وتجيب ولد مزعج بشكل مو طبيعي ويبكي بشكل متواصل لدرجه احيان تبكي منه