شاركي في النقاش

سجلي الدخول لإضافة تعليق.

التعليقات

160
  1. ترى كللللللكم رديتوا في خلال 4 دقايق خلوها على راحتها ولا تردون عشان الموضوع لا يروح بعيد
  2. @klmh_naaamh

    صاحبة الموضوع
    سلم علي وجلست بعيده شوي عنه بصراحه يابنات اتفاجات بقوه بشكله الولد كان اسمر حيل حيل ومو حلو يعني مقبول شويه بس المهم انا قلتله خلاص بطلع قال ليه انصدمتي بشكلي بصراحه تمنيت الارض تنشق وتبلعني ولايحس ذا الاحساس قلت لاوالله بس خلص شفتني ويشهد الله انه كان حيل محترم حاول يشيل الحواجز بيننا بس انا مدري ايش جاني على الصامت وارجولي تراجف وكان جايب معه هديه مره حلوه وحتى تغليفها كان مره رومنسي ورايق جلست شوي وجات امي واخواني وجلسو معنا وراح طويل العمر ...
    جاني احساس مدري كيف اوصفه حسيت براحه حيل وكاني من داخلي مبسوطه بس فيه شي منغص علي فرحتي ادري بتقولون الرجال مو لازم يكون حلو واهم شي اخلاقه ومن هالكلام بس بصراحه انا تمنيت واحد يفتح النفس يوم اصبح بوجهه ...
    المهم مرة فترة الخطوبه كانت 5شهور تقابلنا فيها كم مره كان كل مره يجي يجيب معه هدايا وشوي طاحت بيننا بعض الحواجز من جد كان رجال ماينعاب ...
    كنت لما اسمع صوته انسى شكله
    ولا شفت شكله انسى صوته .....ههههههه
    طبعا انا ماني جميله بس حليوه يعني مقبوله وبقوه وهو كان طاير فيني ماشاء الله ...
    تزوجنا ......
    تزوجنا....
    تزوجنا....


    خلاص بعد الزواج معاد تبقى حواجز وعلى فكره انا ماحبيته ابد صح كنت لما اكلمه اقوله احبك بس بالنسبه لي كانت بارده بدون احساس اقولها مجامله له بس كنت احترمه وبقوه .....
    يعني مرت الايام الاولى من زواجنا حلوه وجاء الوقت اللي خلاص بنروح بيتنا اللي طبعا بالقريه انا هنا انهرت لا الا ذا الشي راح من بالي الا لما جاء وقته ماتوقعت اني احب المدينه بذا الشكل واني متعلقه باهلي لها الدرجه انقلب ذاك اليوم صياح وحزن وقهر وذي اللحضه حسيت ني كرهته وبقوه لانه بيحرمني من المدينه ...جلس يحلف ويوعد والله كل مابغيتي اهلك اوديك لهم والله مراح احرمك من شي تحبينه بس انا خلاص قفلت معي
    صرت اكرهه وامشي معه على الواجب بس وبالااحترام بس يشهد الله عمري مابينت له هالشي لما يجي الليل وينام ابدا انا بالبكي الين ماتطلع الشمس وانا اندب حظي وابكي على حالي ..انا ليش وافقت لاجمال ولا مال طبعا هو موضف مدني وراتبه كان مو ذاك الزود وانا الحمد لله كان اهلي منعم عليهم شوي يعني ماعمر الفلوس عاقتني عن شي ...بس معه لازم نحسب كل شي ونوفر بكل شي وانا والله عمري ماحسسته بضيقي من هالشي احاول اعود نفسي بس بداخلي اكيد مو مستانسه بها الوضع هو كان يحاول يعيشني بنفس المستوى وانه ماينقص علي شي بس كنت حاسه بعجزه عن هالنقطه لان دخله الوحيد راتبه....
    المهم عشت معه مشي حالك على قولهم وانا بداخلي حاسه بفراغ ابد هو مقدر يملاااه...لابكلامه ولا بفعاله ولابحركاته يعني مافيه امل احبه ابد ابد.....
    يتبع

تابعي تجارب أخرى من هذا القسم.