ملف (قلة التركيز وفرط الحركة)الى كل ام تعاني من هذةالاعراض عند طفلها للاطفال الطبعيين

بنات بحكيلكم عن حالة ولد اختي ماشاء الله تبارك الرحمن عمره ست سنوات
ما يقعد ابدا ابدا يعني حتى اذا بيسلوف معك او يتكلم على طول يطامر ويناقز
حتى في السيارة ما يقدر يقعد ساكن ، يلعب باي شي قدامه يتحسس سقف السيارة المهم انه مستحيل يقعد ساكن حتى لدقايق
نتيجه هالشي انو عىلى طول معرق


و هو ذكي جدا في الحياة الاجتماعية في السوالف دقيق الملاحظة ، ولسانه طويل جدا مرة من المرات حتى بكاني انا :35:

لكنه في الدراسه زيروووووووووووووووو للان ما يعرف يكتب شي ابدا مع زملائه بالروضه يقراون و يكتبون بشكل ممتاز



حتى بلنسبة للتلوين ما يعرف ييلون

اي شي فييه ورقه وقلم ما يفلح فيه

أختي أشيل هم الناس كنت أعطي ولدي في الصبح وأمسكة أنا والخادمة واسويلها العسل والملح تحت اللسان لمدة اسبوعين وأعطية الخلطة العسل وجوز وحبة سوداء ولوز ووايد أشياء حتى هو ما يقول بس يقول كل مكوناتها طبيعية وعطاني شيء شكلة ماي بس هو فئة دواء هو قالي بعدة بيجية إسهال بطلع المرض منة وفعلا صار و**** الخلطة هادي وايد زينة حتى بعدين طلبتها مرة ثانية وطرسها بالبريد حبيبتي سوي كل شيء تقدرين علية من اليوم أبديي بالعسل والملح وأنتي بروحج سوي خلطة العسل والجوز وحبة سوداء والله يفك عوقهم يارب

أختي البحرينية أهم شيء انة يتكلم أوكية ويسولف واجتماعي أما من ناحية التعليم لا تحاتونة بيتعلم في الأخير أمرة هين الحمدللة بس عندة حركة زائدة ان شاء الله الأخوات راعيات الخبرة مابا يقصرون وياج

أختي أشيل هم الناس كنت أغطية مرتين في اليوم بس ما أذكر اسبوعين أو شهر والله نسيت

هلا. غلا ابو ظبي وش الخلطة ومن وين اشتريها والملح ناعم والا خشن والعسل لازم طبيعي واختي ام غلا اليوم حفل زيادبالمركز مستانس مرررررره وشارك بمسابقه الكور وعطوهم هدايا وبالنسبه للاخصائية. ثرياء التخاطب ما اعرفها وشكرا

السلام عليكم اخواتي ‏
اول مرة ادخل هالملف وبصراحة قد مافرحت به قدماضاق صدري من الحالات اللي قرأتها الله يشافي عيالنا ويعافيهم
انا عندي طفل عمره الحين4 سنوات واحس عنده فرط نشاط وقلة تركيز بسم الله عليه ياكل ويشرب ويلعب ويتكلم وهو يتحرك مايجلس 5دقايق بدون حركة الا اذا لعب بلايستيشن وشهيته مره ضعيفة بس هوذكي جدا لدرجة يحفظ طريق بيتنا بيت عمه السوق الملاهي المستشفى وهالشي فيه من يومه صغير في النطق والكلام فصيح جدا يحب يلعب مع الأطفال بس اذا اخذ احد منه لعبه مايقدر يدافع او يسترجعهايجيني يبكي علشان اساعده وهوحساس جدا
بديت قبل شهرين سويت فحوصات في مستشفى الولادة والأطفال في الدمام وموعده عند العيادة النفسية في شهر8 الله يكتب اللي فيه الخير
من عندها زي حالة ولدي تطمني تكفون