كشفت على خادمتي الجديده وطلع عندها...
مرحبا خواتي
بلاني الله في خادمه استقدمتها من كينيا وجتني قبل خمس ايام واحسها نشيطه ولهلوبه على قولتهم ولا كانها
مصابه بامراض وكنت ناويه بعد ثلاث شهور اكتبلكم عن تجربتي بالخادمه الكينيه بس الظاهر ماراح يصير والسبب
طبعا انا اول ماتجيني خدامه ع طول ع المستشفى تحاليل والى اخره وهذي لما كشفت عليها طلع عندها مرض
الايدز
تخيلو لما قالي الدكتور والله كانه مويه حاره انكبت علي ماتوقعت طلعت انا وزوجي ورحنا مستوصف ثاني وطلعت نفس
النتيجه ايدز الله يكفينا شرها انا وزوجي وعيالي يااااارب
ولما بلغنا المكتب قال لا مستحيل ودها لمستشفى
حكومي وجيبلي النتيجه تخيلو بنات مافيه الا السبت وقال زوجي
بجيبها عندك رفض المكتب حسبي الله عليه قال ماعندي لها
مكان وانا الان مااقدر اقولها شي اخاف تهرب او تسوي لنا
شي فخليتها تنظف على عادتها لان الدكتور طمنا قال
ماينتقل ان شاء الله غير بالدم ولا بالاتصال الجنسي بس انا
خايفه على عيالي قمت شلت فرش اسنانهم كلها ورميتها
خفت انها مستخدمتهم ووالله اني راحمتها احس شكلها
ماتدري ومسكينه مجتهده ونظيفه بقووووه والله اني اصيح
من القهر مره عاجبتني وكنت بدربها قبل لا اولد وانتظرها من
3شهور بس مااقول الا لاحول ولا قوة الا بالله
انا حظي بالخادمات سئ مادري ليه تخيلو بنات خلال سنتين
اربع خادمات واللي خلق النعمه ماجلسوا كلهم قالوا
بنروح ومن جنسيات مختلفه 2 سيرلانكا ووحده فيتنام
والحين كينيا ولا غير الاجار الحبشيه اللي جتني برمضان اللي
فات وحصلت بشنطتها قبل ماتكمل الشهر شراريبنا ع فرده
فرده ووسخات ورجعتها يعني البلى فيني ولا مادري واللي
قبل الخادمات كانوا كويسات ونظاف ويجلسون عندي سنتين
وثلاث بعد والله اني منقهره واكتب وانا ابكي ...
واسفه اني طولت عليكم بس حبيت افض فض لكم وتشورون علي وش اسوي....