محتارة هل الي افعله صح؟

بسم الله الرحمن الرحيم
السلام عليكم ورحمة الله وبركاته أختكم في الله محتاره هل الي بأسويه خير
او شر الله يكفي الشر عني وعن المسلمين أجمعين سالفتي هي أني أعرف
بنت صلة قرابتي من جهة أمي قريبه بس عن طريق أبوي بعييييد جميله
ماشاء الله وسنعه وبنت حسب ونسب وأبوها صاحب مال يعني كل الصفات
المطلوبه من زينة الدنيا (( الزوجة الصالحه ))عمرها تقريبآ خمس
وعشرين وأبي أكلم خطابه عشان أدلها عليها بس أختي قالت ماعليك من
أحد تجيب الخطابه ناس ماهم ثقه ويقولون من الي مرسلها علينا ويجلسوا
يدعوا أنا أعرفهم وأعرف طبعهم يجلسوا يتحسبوا وغيره وغيره من
الدعاوي يالله أنك تستر وتكفي <<<الأخت تخاف مرره فكرت بكلام أختي
ولقيته فعلا صحيح خطبة عائلتنا عن طريق رجال مانعترف بالنساء وإذا
جو عن طريق حريم يتفرجوا ويطلعوا وبس وبعض الأحيان إلا الاكثر تجيب
واحد ماهو صالح صاحب سفريات ويدخن الله يرزق بنات المسلمين
بالشباب الصالحين يارب العالمين آمين وهم ما أعرف عنهم هل يقبلون أو
يردون وهم في ديره أقرب ماتكون إلى قريه فعشان كذا قلت يمكن فيه
رجال تستاهلها بس مافي أحد يدلهم على البنيه في الديره البعيده وأنا أبي
أجمع بين راسين بالحلال<<<<<<<<<هههههههههههههه طلعت خطابه

أنتم وش رايكم أتليقف ولا أصير في حالي مارأيت ولا علمت ولا أكلم وأدل
عليها لعل الله ينفع بالسبب

وإذا عندكم ثقه أرسلوا لي بس ثقه يابنات .