@@@موقف يبعث في نفسي فرحة وفي لحظة يتبدل إلى حزن @@@

ماأحلل أي وحدة تدخل وهي مسجلة ماترد على موضوعي أو أقل شي ترفعة

انتقلت إلى شقة جديدة منذ بضعة أشهر دخلت إليها قبل أذان المغرب بلحظات قمت بتجول فيها وكانت أخر غرفة أدخلها غرفة نومي جلست على الآريكة لأستريح بعد تعب النقل وحمل الأغراض والتنظيف :3_13_12: سمعت أذان المغرب ففتحت شباك غرفتي لأسمع الأذان بوضوح أمام العمارة التي نقطنها أرض فضاء فلفت أنتباهي جزء من هذه الأرض مبلط ويوجد به سجاد كبير ملفوف وإذا بشخص من جنسية أسيوية يذهب يمنه ويسره حول الأرض ويدور حولها بشكل مريب ظنيت في بداية الأمر أنه يحاول سرقة شي واعوض بالله من بعض الظن المهم مر من جنبه مجموعة شباب تقريبا خمسة وقف الهندي يكلمهم شوي الا امسكو الهندي ويسطرونه عاد أنا :oأعيوني اطلعت من راسي أبغى أناضر الهوشة وحزنت عليه .. المهم أشوي إلا سوبرمان اللي هو:arb: رجلي وخوية نازلين من السيارة قامو يفكون بينهم وصالحوهم وراحو الشباب قام رجلي وخوية والهندي أفرشو السجاد طلع هذا المكان مزينه فاعل خير لصلاة يصلون فيه الفجر والمغرب والعشاء لأن أقرب مسجد لأزم سيارة أما العصر والظهر يصلون في المسجد علشان الشمس طلع الهندي حارس عمارة جنب الأرض وأناظنيت فيه ظن السوء وطلع سبب الطقاق أن الهندي طلب من الشباب يساعدونه بفرش السجاد لأنه مايقدر لوحده لأن يده اليسار فيها تمزق بالعضلات قام اسئله واحد من شباب أي يد فقام وراه قام الشاب طقه على يده عاد المساكين تألم وقام يصارخ قامو تعاونو عليه وطقوه ويقلون له أنت جاي من بلدك علشان تخدمنا ... ومن ذا الكلام اللي ماله داعي وواحد يصورهم بلوتوث
عاد أنا مأخذه السالفة من رجلي يوم رجع وأنا من هذاك اليوم إلى يومكم هذا وأنا كل ماآذان أوقف على الشباك إلما يخلصون الصلاة ........
المغزى من ذكري لهذا الكلام كله : الموقف اللي فرحني من جد يوم أشوف الهنود والسوويق أول مايأذان يتركون كل شي بيدينهم ويقفلون المحلات ويجتمعون لصلاة ويقعدون يصلون ويتسننون وقد شفت كذا واحد يقرا في مصحف إلما يجي اللي يتطوع يصلي فيهم وأحيانا واحد منهم يأم المصلين ... والموقف اللي بعث في نفسي الحزن هذاك اليوم قام الأمام يكبر إلا واحد سعودي إمكن عمره في الثلاثين وقف سيارته جنب العمارة الملاصقة للأرض ودخا العمارة وهو قعد يناضر المصلين قلت إمكن طلع يتوضأ لكن خلصو الصلاة بعدها نزل ودخان بيدة وركب سيارته هو وعياله ومشى ... طيب كان صليت معاهم الله يهديك بس ... واللي محزني أن المصلين الأجانب أكثر من السعودين وأغلبهم في الصفين الأولين ماشاء الله عاد لاتفهمون كلامي خطاء على الأجانب والله أتمنى لهم الخير وأحس أن الدنيا مازال فيها خير وصلاح بعد المشاكل اللي حلت بل لأمة الأسلامية لكن احنا في السعودية بلد الرسالةوالحرمين ومنبع النبوة كل واحد يصلي ببيته أيش اللي مأكد لي أن الواحد يصلي ببيته خاصه الفجر تشوفين السيارات ما تتحرك في صلاة الفجر من قدام العمارة اليوم الفجر جيت أعد المصلين لقيت 13 أجنبي مقابل 7 سعودين المشكلة أن المواقف ملينه سيارات والحي معمور بالسكان يعني موجديد لاتقلون راحو المسجد لأن أقرب مسجد لأزم سيارة ياعالم ليش وصل الحال فينا كذا صايرين عندنا استهانه بصلاة الجماعة وصلاة الفجر ..... لأزم نشد الهمة ونعلم أعيلنا وأخوانا على أهميتها .. ونسير دعم لأزواجنا على الحرس عليها ...... ملاحظة أنا لا أعمم على السعودين جميعهم بل البعض منهم الله يهديهم ......... معليش كلامي واسلوبي ملخبط لكن من :angry2:الحسرة اللي فيني ..... لاتنسوني:27: من الدعاء لي مثل اللي بتوقيع وأن الله يحبب زوجي في الرياض وننقل له ونستقر فيه عاجلا غير آجل

20 تعليق 1,276 مشاهدة

شاركي في النقاش

سجلي الدخول لإضافة تعليق.

التعليقات

20
  1. @ghla_o_hla_1

    حلووووووووووووو ان الوحده تسمع صوت الاذان ببيتها

    من جد تحس براااااااااااااحه

    الله لايحرمنا من ذكره وطاعته

    ويهدي بناتنا وشبابنا على اداء الصلوات بوقتها وبخشوع

تابعي تجارب أخرى من هذا القسم.