بغيت منكم مساعدة وانتم قدها بإذن الله
أنا مسافره الإمارات بعد3 اسابيع تقريبا إن شاء الله وحابه أخذ منكم بعض المعلومات عن أحلى المواقع اللي من وجهة نظركم ماينفع اجي الإمارات واطلع منها بدون ماأزورها بغض النظر عن المواقع اللي مايختلف عليها إثنين في اهميتها مثل اتلانتس وعالم فراري والجميرا ومول الامارات وابن بطوطه وغيرها
ثانيا حبيت اسألكم عن" الوايلد وادي"
هل مسموح فيها جوال الكاميرا في يوم النساء اللي هو حسب ماعرفت الخميس وحابه تدلوني على محلات تبيع ملابس السباحه الخاصه بالمحجبات في دبي وتكون عندهم منها مقاسات وبإسعار معقوله عشان اشتري لي ولبناتي
لأننا ان شاء الله ناويين نزورها ونبلبط فيها.وحابه ترشحولي مشغل نسائي أصبغ فيه شعري بس يكون شغلهم حلو وسعرهم معقول يعني بحدود 200 الى 300 مو اكثر سواء في دبي او أبوظبي أوحتى الشارقة ورجاء تتركون لي عنوانهم ورقم تلفونهم وإسم العامله
اللي ترشحونها عشان أطلبها تصبغلي إن شاء الله؟ثالثا قريت عن كذا حديقة في دبي مثل الخور ومرمريز وندر لاند حديقة الصفا ...إلخ وش رايكم فيهم وهل فعلا يستحقون يتعنالهم الواحد بإنتظار ترشيحاتكم للحدائق في دبي وأبو ظبي ؟
رابعا:دبي أكواريوم قريت عنه وكثير مدحوه هل هومميز وايش هو بالضبط على حد علمي سوق وفيه حوض سمك >>مميزاته؟
خامسا :إن أمكن تدلوني على سوق للعبايات أشتري منه انا وبناتي بس مايكون غالي؟
وأخيرا حابه أسأل عن "مدينة مدهش" نبذه عن فعاليتها ومحتواها ومتى تفتح بالهجري وسمعنا قبل كم سنه عن "ديزني لاند" في دبي هل لها أي وجود أفيدوني من فضلكم؟
وأخيرا خلصت أسئلتي سامحوني على الإطاله وبإنتظار معونتكم الكريمه
تحية لكم جميعا