السلام عليكم ورحمة الله وبركاته
كيف أحوالكم ياحلوات
أنا محتارة ............في حاجة انت مش محتارة فيها:(
الابواب بني غامق
الجدران ان شاء الله سادة ألوان فاتحة............حتى اللحظة ما قررت
اللمبات اطارها ابيض مطفي .........خلاص شرينا
لاني ماأحب شكلها كأنها أزارير كبس في السقف
سؤال؟؟؟؟؟؟؟؟؟؟؟
ايش أحلى اختيار
بين مقابض البيبان والثريات
والا ما لهم دخل ببعض
أنا احب الثريات الفضي واذا دخل معها ذهبي بشكل خفيف معليش
بس ذهبي كاملة ما أحب
ولون المقابض فضي مطفي
وزوجي يحب الذهبي حتى لو مطفي
فيا ليت تساعدوني
ما أدري ايش أحسن تنسيق بين الثريات والابواب؟؟؟؟؟؟؟؟؟؟؟
أنا ما عندي مانع ارضى باختيار زوجي طالما يحبه
وهو كالمثل لانه يثق بذوقي
ياربي لك الحمد والشكر
أحنا نبني ومتعبتنا الاختيارات
وغيرنا متعبته لقمة عيشه
اللهم أدمها نعمة واحفظها من الزوال
اللهم لك الحمد كما ينبغي لجلال وجهك وعظيم سلطانك
أميرة الذوق
المغاسل الصيني أعرفها في بيت أهلي
جميلة والنظافة تبين فيها
كالرخام الطبيعي ............أم التكسير
بس ما عدت اشوف احد يحط منها
بصراحة أنا أحب المغاسل الاستيل
ما تكسر المواعين
سهل انه تتقفل فتحة التصريف وتستخدميه لغسل الخضروات الورقية
ما لها ريحة
سهل تنظيفها وتعقيمهاوتلميعها
ما يبين فيها العمر
أحسن موديل اللي حافته فوق الرخام
النوع الجيد غاااااالي
المشكلة الكبرى
تسرب الماء من الجوانب
يبغى له باستمرار تصليح
يعني السلكون عندك في المطبخ
والله على يدي مايخرب لما ما يكون عندي شغالة
أما الشغالات ماأدري ليش الخراب السريع
بغيت احط استيل بس اقنعني أبونا كله رخام صناعي
الرخام الصناعي
قاعدته مايلة عشان كذا اذا حطينا المواعين طاحت فوق بعضها وتكسرت
يتجرح مع السكاكين وتسير خطوط سوداء
دائما كلوركس بس تحسينه شكله انعدم ولا تثقين انه تعقم
لكن أبونا يقول حتى أحنا بنموت تبغين ما في حاجة تخرب
خلاص ما بأعقد الامور
رضيت بالجبس الصناعي
الاصبببببببببببببببببببببببببببببباغ
مازلت لم اختار
طبعا حطيت في اللسته اختيارات فنانات الملف
بس ما أدري هل بس الالوان اللي قالوا عليها اصبغ بها كل البيت
احس لازم بعد ألوان ثانية
ياليت بعد يا أخواتي تبينون لنا ايش اخترتم لباقي الغرف عندكم
أدري طرار ويتشرط
بس تدرون المتردد حتى لو كان له رأي ما ينجز يبغى له أحد يشجعه
خاصة احنا يالحريم لازم نكون متأكدين عشان ما حد يلومنا أو نلوم أنفسنا
صدق الشاعر
إذا كنت ذا رأي فكن ذا عزيمة****فإن فساد الرأي أن تتردد
موضوع الاصباغ يبغاله
قدرة على التخيل + ذائقة فنية
الله يرزقنا جميعا
عيش السعداء
ومنزل الشهداء
افتتاح الملف الأول لتشطيبات منزلك ...حياكم الله
متابعة النقاش، صفحة 966