₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـثـانـي والعشرون ـღ_‗«Ξ❤Ξ二₪

متابعة النقاش، صفحة 141

شاركي في النقاش

سجلي الدخول لإضافة تعليق.

التعليقات

2,001

  1. @lmya_1411

    الله يبارك فيكم وحده وحده
    ويارب تشوفون أطفالكم بين يدينكم
    أعذروني ماأقدر أكتبلكم لأني مره تعبانه
    بس قلت أدخل أطمن ع أمل الله ييسرلك
    بكره طهار ولدي

  3. @hrof_nor

    عصفورة >>

    الله يبارك فيك ...وين الغيبة ياحلوه...

    بالنسبة لفك الربط الله يسلمك و الجميع ...كان عندي موعد يوم الاربعاء بيتحدد فيه موعد الربط ...في الموعد تطمنت على البيبي و أموري كانت الحمد لله تمام...نصحتني الدكتورة أكثر من أكل التمر و أقرأ سورتي الزلزلة و مريم على بطني ..وعطتني موعد لفك الربط اليوم السبت بحيث اكون كملت اسبوع من التاسع قالت لي احضر الساعة 8الا ربع على مايحضروني تجي هي 8 تمام ...الليلة اللي قبلها مانمت زين:( من الخوف و الانتظار ماأدري أولد ولا لا ...جهزت اغراضي و اغراض النونو وماء مقري فيه ايات تسهيل الولادة.... و طلعنا الصبح على المستشفى دخلنا زي ماقالت الدكتورة من الطوارىء ومنها على قسم الولادة...الصباح جينا القسم فاضي مافيه الا الممرضات ...دخلوني الغرفة و حطوا علي التخطيط لين تجي الدكتورة ...وشوي جت الدكتورة الله يسعدها بشوشة و تصبح ...و بدأ الجد رفعوا رجولي زي الولادة و عقمت المنطقة و بعدين دخلت اغراضها و فكت و بعدين شافت مفتوح ولا لا >> أنا مغمضة عيوني من الخوف.. دقايق ماشاء الله الا هي مخلصة..وقالت لي الرحم فيه جرح من الربط و نزل علي دم تقول طبيعي بعد فتح الربط...ونصحتني ارتاح هذا الاسبوع لين أصير بنص التاسع بعدين أبدأ أمشي..تقول كل ماظل البيبي أكثر أحسن له...وبعدها كملوا التخطيط أقل من ساعة و مافيه طلق قالوا روحي البيت واذا جاك ألم أو موية تعالي وتوته توته خلصت الحدوته...

    نصايحي لكم يابنات >>

    - ارخوا نفسكم وقت فك الربط ...لأني في البداية شديت وشوي الا الدكتورة :angry2:قالت مو عارفة اشتغل ارخي نفسك علشان تخلصين....

    - بعد الفتح نزل مني دم مو كثير لا قليل بس شكل دمي نازل >>من زمان ماحللت و مهملة حبوب الحديد...علشان كذا من يوم جيت من المستشفى وأنا أحس بخمول ودوخة وصداع..هذا ولسى وراي ولادة..انتبهوا لنفسكم لاتهملون حبوب الحديد و اتغذوا كويس...

    -المنطقة شلتها بالموس صباح يوم فتح الربط و جرحت نفسي:eek: فزاد على الالم بعد تعقيم المنطقة >>النصيحة شيلوا قبل بيوم...

  4. @hrof_nor

    أنا مرتاحه >>

    الله يبارك فيك و عقبالك يارب >> بشرينا عن أخبارك...

    لمياء >>

    الله يقومك بالسلامة و ترجعين عروس يارب ...وياعمري على حسون الله يسهل عليه...

    أموله >>

    وينك ماطليتي تبشرينا عن الموعد >> يارب تكونين ولدتي وأنتي و العروسة بخير...

    بنات لاتنسوني من دعواتكم أن الله ييسر لي الولادة و يبلغني شوفة البيبي بصحة و عافية...

    "اللهم إني استودعك جنيني الذي في رحمي فرده إلى عند مولده مرداً سالماً معافى من كل شر وكل مرض وأذى"

  5. @hrof_nor

    عيون طمنينا عليك ...

    عديدة كيفه هارون...وكيفك الحين ....

    بسبوسة طلي علينا ...لولي لوليتا...وكثير من البنات اللي فقدناهم وينكم؟؟

تابعي تجارب أخرى من هذا القسم.