السلام عليكم ...

مشكلتي بزوجي جنني بس زعلان وانا احاول
ارضيه وما يرضى
صار لي متزوجه 14 سنه وعجزت افهمه
ادور رضاه واجري وراه ما يرضى
اطنشه كمان ما يرضى
يبييني طول الوقت ادلعه واكلمه واهديه
وهو بس ينافخ ويتزعل وادنى مشكله
يجيب الاولي والتالي
المشكله اني ما احبه ولا ودي اشوفه بس
ماعندي اهل اروح لهم
وعيالي ما ابيهم يتربون بين والدين دايم
متخاصمين وهم يا حياتي حاسين
انا صابره على خياناته اللي شفتها بعيني
مباشر وسكت والله ما قلت شي
ومغازله طول الوقت بالشارع بالسياره
وجواله لو يدخل الحمام اخذه وعلى الصامت
وبحياتي ما دورت وراه جوالي خرب وعطاني
جواله القديم الصادر والوارد كله رسايل غزل
وما خلى شغاله بحالها كم مره القاه مع وحده
وياليته يهتم الظهر الساعه 12 ما هميته
وصرت خلاص ما اجيب شغالات عندي 5 صغار
ومزعجين وصابره وكان يشرب بس شكله تركه
ويحشش ودايم يقفل علي باب الشارع
اذا كنت طالعه وما يرضى يفتح لي
واخواني يرميني عندهم ولا عاد يرجع
واذا رجعت مع اخواني يقول وش اللي جايبك
انطقي لين اجي ومره جا الساعه 7 الصباح
والدكتور ما يرضى يودينا لو نموت حتى وانا حامل
وتعبانه ما يرضى والسوق كل كم شهر
ومع زعيق وزعل ويقعد بالسياره يقول ماني نازل
وفجاءه القاه بوجي عشان يراقبني
وانا الحمد لله عبايتي ساتره
والفلوس طبعا مافيه يا الله خواتي كل فتره يتصدقون علي وهو ما عليه مننا اهم شي نفسه
تخيلوا شعوري وانا اترضاه واترجاه وانا ماني
طايقته وابكي من القهر وهو يفرح يحسب من الندم
انا ما اقول اني ملاك بس وش الذنب اللي سويته
يخليه يعاملني كذا ... هو معاملته مع الكل زي الزفت حتى مع اهلو وما عندو اصحاب كل سنتين
ثلاثه يحصل شله ويتخانق معاهم وهكذا
انا الحين لي كم شهر ما اكلمه مع اني في البدايه
حاولت اصالحو بس ما رضى
ومرررره خايفه من ربي وضايق صدري
على اطفالي ما ابغاهم يدرو بحاجه
انا بحياتي ما كلمت شباب ولا حبيت ولد عمي بقلبي ولا سويت اي شي ليش زوجي كذا
انا ما استاهل واحد زيه انا ابغى واحد محترم زيي
والله احيانا افكر ليته يموت او انا اموت هذا هو الحل
ولا عمري شكيت لاحد ابد الكل يحسبو انه
احسن من كذا بكثيير بس يعرفون انه عصبي وفقير
والله دايم ادعي ربي انه يتوب صح ما اطيقه
بس ما يهون علي
والله انقهر اذا شفت وحده زوجها خاين ويترضاها ويهديها ويتأسف ويوعدها حتى لو اخلف وعده
ماهو زي اللي عندي وقح وما عليه من احد
ياليت ما تنسوني من دعاكم ان الله يفرجها علي
ويهدي زوجي ويحنن قلبه على اطفاله

زوجي

زوجي والزعل 😡

زوجي

زوجي والزعل

زوجي