الملف الثــــــــــــــالث لحوامل المدينه المنوره ملف تفاعلي عن الاطباء والمستشفيات

الله يعطيك العافيه اختى استفهام
بنات الولاده فالبكريه ايش لازم اجهز معاي وربي مو عاااارفه وملابس النونو اخليها فين الي باخذها المستشفى ترى انا لسا فالسابع بس حابه اعرف بعض الامور الي فتفكيري

انا احاول اهدي نفسي من الان انو اهم شي سلامتي وسلامة النونو
ولازم الصبر وكلامك ريحني كثير الله يسعدك

السلام عليكم ورحمة الله وبركاته
كيفكم كروشات وكيف الاجازة معاكم؟
انا دخلت التاسع من اسبوع تقريبا على حساب السونار حبيت استفسر عن مستشفى حامد سليمان الاحمدي
مين جربت الولادة في الاحمدي قريب تقول لنا تجربتها لاني سالت كثير اعرفهم ولدوا في الاحمدي يمدحوا الدكتورة فوزية وامل انا راجعت عندها كم مرة بس من دخلت التاسع ما رحت لها وما اعرف كيف نظام الولادة عندهم واهتمامهم وهل صحيح ما يولدو الخميس والجمعة وكيف اسعارهم يقولو كمان وقت خروج راس البيبي ما تحسي بشي وما تصحي الا وانتي بغرفتك صحيح الكلام ذا ؟ياليت الي عندها علم تفيدنا الله يجزاها خير ادعولي ان الله يرزقني واياكم با الولادة السهلة يارب ويرزقنا با الولد الصالح المعافى يارب

السلام عليكم

كيفكم ابشركم فرجها ربي علي وولدت امس الساعة 2 في الليل في العسكري....

صراحه اهتمام ومراعاة معنوية بشكل رهيب ويساعدونك في كل حاجة تبغيها سواء في غرفة المخاض والا الولادة

عندك قابلة تكون خاصة فيك ماتروح من عندك وتاخذ رأيك بكل حاجة انا سألتني اذا ماعندي مانع تسوي لي قسطرة

قلت لها لا وماسوت لي الحمد الله..

والخياطة تحط الدكتورة بنج موضعي لكن تحسين بالتنظيف ...

ماعندهم الكمام ولا مسكن وقت الطلق ولا تخدير كامل وقت الخياطة مثل ما بيحكو البنات في الخاص وانا كنت عارفة هالشي لكن اللي يهونها عندي اني مقتنعة بالمستشفى الحكومي او العسكري وافضله على الخاص مهما كانت مميزات الخاص..

بعد الولادة تتركك في غرفة الولادة ترتاحي لمدة 3 ساعات وبعديين تروحين على التنويم ياخذو ولدك مايجيبوه الا لما تطلبيه ..

سوو التحاليل كاملة لي ولطفلي مع اني داخلة فيه بصفة ابوي عسكري لكن ولدي ابوه مدرس مع كذا طعموه التطعيميتين

اللي عند الولادة وكاتبين له موعد الاسبوع الجاي ومعطينه كرت التطعيم...

بجد كلمة روووووووووووعه قليلة في حق المستشفى العسكري الا اللي تبغى الولادة بدون الم لا تروح له...


كتبت لكم تجربتي لاني عارفة ان فيه كثير محتاجينها لكن الحمد الله رب العالمين على كل شي ساعة كربة وفرجها ربي..

الله يفرج على كل حامل....