تكفون ساعدوني ( نداء للي فيهم تكيس + اللي يتعالجون بالتلقيح المجهري واطفال الانابيب )
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
27- up
- الله يشفيك يارب ويرزقك بالذريه الصالحه
التكيس اللي بعد الانابيب انا عانيت منه بس كان بسبب التنشيط الزائد للمبايض
لانه يضل تأثير الابر المنشطه بجسمك ل6شهور قدام وتتلخبط عليك الدوره
لما سويت الانابيب حصلي تكيس ولخبطه بالدوره لكن قالت الدكتوره اعطيك
منظم للدوره اذا تبغين والافضل خلي كل شيء وبيرجع كل شيء لطبيعته
بالفعل جلست 4شهور تقريبا ورجعت لوضعي السابق,,,,
انتي وين سويتي العمليه لان السحب يحتاج دقه وطبيب ماهر
في اعطاء جرعات الابر وملاحظة المبايض,,
ومايصيبنا الا ماكتب الله لنا...
نصيحتي لك راجعي طبيبه وتطمني على الرحم ووضع المبايض
وان شاء الله ماقدامك الا العافيه........... ام أفنان الله يشفيك يارب ويرزقك بالذريه الصالحه التكيس اللي بعد الانابيب انا عانيت منه بس كان بسبب التنشيط الزائد للمبايض لانه يضل تأثير الابر المنشطه بجسمك ل6شهور قدام وتتلخبط عليك الدوره لما سويت الانابيب حصلي تكيس ولخبطه بالدوره لكن قالت الدكتور…
تسلمين حبيبتي ام افنان جزاك الله خير والله يرزقنا وياك واخواتنا المسلمات بالذريه الصالحه المعافاة
انا بعد اتوقع ان التكيس اللي عندي بسبب التنشيط الزائد للمبايض لان سبحان الله يحصل عندي تضخم فظيع في المبايض واتعب كثير
بالنسبه للدوره عندي ياتتقدم كم يوم او بالكثير اسبوع او تتاخر لها كم يوم
انتي كيف تلخبطت عندك الدوره ؟؟؟؟ انقطعت عنك يعني والا مجرد تفاوت في ايام النزول ؟؟؟ وهل زادت عليك الامها مع التكيس ومع عمليات السحب ؟؟
بالنسبه لي انا اعالج في مستشفى الملك فيصل التخصصي ومركز الابحاث بالرياض ،،،،، انتي وين تعالجين ؟؟؟؟ وهل كان يجيك مويه في البطن بعد التنشيط ووقت السحب ؟؟؟ وكيف التكيس معك الحين ؟؟؟ والمنظم وش تقصدين به هل هو حبوب منع الحمل ؟؟؟؟
ارجو انك تجاوبين على اسئلتي للضروره القصوى ،،،،
وشكرا مره ثانيه ويعطيك العافيه على تجاوبك اللي اثلج صدري والله يفرح قلبك بشوفة ضناك ويجزاك الفردوس الاعلى- هلا اختي
بالنسبه للخبطة الدوره كانت تنزل في الشهر متقطعه تجي 3 مرات في الشهر
وايامها قليله بعدين صارت تتأخر وتقدم بس مره وحده تجي في الشهر
لين تخلص جسمي تقريبا من اثار المنشط وانتظمت الدوره
الالام الدوره اساسا عندي فظيعه من قبل العمليه
وماسويت التلقيح المجهري الا مره وحده بس
وبالنسبه للمنظم اللي فيه حبوب بنيه بس مااخذته
اخر مره رحت للدكتوره عطتني الجلوكوفاج تقول باقي اثار للتنشيط
سويت العمليه في مركز جنين عند الصفيان - تسلمين ام افنان تعبتك معي بكثر اسئلتي
الله يجعل كل حرف كتبتيه في موازين حسناتك ويرزقك الذرية الصالحه المعافاة عاجلا غير عاجل ويرزقني وكل اخواتنا المحرومات
آخر استفسار عندي >>>> عارفة روحها غثتك بالاستفسارات
وش رايك في مستوى مركز جنين وفي الدكتور الصفيان وهل يقوم بعمليات السحب والترجيع بنفسه ام انه مشرف فقط ؟؟؟ باختصار عطينا نبذه عن اللي لمستيه من خلال علاجك عندهم لاني افكر في عيادة الصفيان او عيادة بقنه ومحتاره واولا واخيرا هم مجرد اسباب والرزق من الله سبحانه
وجزاك الله خير
مواضيع مشابهة
تابعي تجارب أخرى من هذا القسم.