ياربي احرااااااااااااج

السلام عليكم
كيفكم جميييييعا
بنات انا مررررره مضايقه صار اليوم موقف بايخ وماني عارفه كيف اتصرف
شوفي اللي حصل
اليوم عملت حفل نجاح لبنتي واولادي وكبرت الحفله شويه وعزمت جاراتي وزميلات بنتي واصحاب اولادي وعزمت كمان بنات عم اولادي بس الاطفال بدون امهاتهم او اخواتهم الكبار
وحده من سلايفي جات مع اولادها مع اني قلت لها بالحرف الواحد خلي اولادك يجوا حفل النجاح
تفاجأت الا هي داخله مع اولادها وانا والله ماعندي مانع من جيتها بس لانو نبغى ناخد راحتنا انا وجاراتي ونرقص ونستانس وسلايفي((والله هما طيبات وانا احترمهم ))من النوع الثقيل واللي ينتقد وماحناخد راحتنا في وجودهم وجاراتي ينحرجوا منهم
المشكله انو دحين سلفاتي الثانيات اللي ماحضروا بناتهم حيقولوا لهم ان فلانه حضرت وانا والله ماعزمتها واكيد حيزعلوا ويظنوا اني عزمتها وخليتهم
والله اني مررررررره متفشله وماني عارفه اش اسوي :06:
اش رايكم يابنات ادوني حل يخليهم يفهموا اني مو محتقرتهم او مستخفه فيهم

29 تعليق 2,587 مشاهدة

شاركي في النقاش

سجلي الدخول لإضافة تعليق.

التعليقات

29
  1. @mha_aabdallh_1

    ههههه بعضهم ههههههههههههههههههه قد صارت .. الله يهديها بعضهم يبي لك تفهمينها عدل
    او يمكن ماتبي اطفالها يروحون لوحدهم من حرصها :)
  2. @alfgr_alkadm1

    صاحبة الموضوع
    لا لا
    هما محترمات ومستحيل يسألوني
    بس انا مستحيه منهم وانحطيت في موقف بايخ
    اتمنى يسألوني واشرح لهم اللي حصل بس ميه بالميه ماحيسألوني
  3. @am_dody_ololy_1

    عادي ياقلبي قولي لها قدام سلفاتك الثانيات
    ياسلام والله دخلتك مع اولادك ذاك اليوم مفاجأه ياليتكم انتم جيتوا
    عاد هم اكيد او يمكن بيقولوا ماعزمتينا عاد قولي والله البيت بيتكم وماجا ع بالي والله قلت حفلة اطفال لاكن ياحبي لها فلانه جت مع اولادها والله مره انبسطت فيها ياخسارتكم

تابعي تجارب أخرى من هذا القسم.