بسم الله الرحمن الرحيم
موضوعي عن الكوشه
اللي اعرفه انه يوم الملكه اهل العروسه يعملوا الكوشه ويعملوها غاااالبا على لون فستانها او مسكتها
طيب يوم الزواج الكوشه على اي اساس تنعمل اذا فستان العروسه ابيض؟؟
انا عن نفسي اخترت لون الكوشه موف فاتح على سكري عمري مارحت زواج يقرب لي ولقيتهم حاطين هاللون كله احمر وابيض قال يعني باتميز:icon33:
ولما كلمت مشرفة القاعه عشان تنسيق الكراسي مع الكوشه قالت اللون مره خطير ماحد سواه قبل
حجزنا الكوشه وانتهينا وصاحب الكوشه يقول هاللون مايطلبوه زباين كثير في الافراح واللون مو موجود بالمحل لازم طلبيه
لما قابلت ام العروسه قالت لي ايش لون الكوشه قلت لها مفاجاه قالت لا الا تقولي لانه لازم الكوشه على لون الفستان
قلت الفستان الابيض او السكري يناسبه اي شي
وكانت الصدمه
حتى قعدت شويتين ماتكلمت
قالت فستان بنتي مو ابيض ولاسكري
فستانها تفاحي كامل قلت انا ايوه يعني ابيض بس فيه شي تفاحي قالت لاااااا تفااااااحي ساااااااده ولانقطة بياض فيه:blink:
والمسكه لونها احمر
بنات الله يوفقكم في عروسه تلبس تفاحي يوم الزواج والله طول الليل افكر بالموضوع
ومسكتها احمر كيف تجي ؟؟؟؟
وام العروسه مصره الا لون الكوشه يتغير على لون فستان بنتها لانها تقول الناس راح يتريقوا على لون الكوشه مع ماكياج بنتها وفستانها
سؤالي من الموضوع كله
هل الكوشه يوم الزواج لازم تكون على لون فستان العروسه لانه المعروف انه ابيض او سكري او حتى فضي والكوشه تمشي مع هالالوان بس التفاحي مادري
السؤال التاني
هل فيه فستان فرح لونه تفاحي او اي لون تاني غير الابيض
وهل الموف الفاتح يناسب مع التفاحي والا شاذ؟؟؟
الله يوفق اللي ترد عليه ويرزقها من حيث لاتحتسب ويسخر لها الطيبين من خلقه
ردي على بعض الاخوات للتوضيح فقط
احنا من عاداتنا ان العروسه تعمل كوشتها يوم الملكه على لون فستانها والعريس يعملها يوم الزواج لانه هو اللي حاجز القاعه ودافع كل شي
واللي بتقترح اني اغير اللون الموف ماراح يتغير ابدا لان طلبية المحل وصلت باسم العريس
بس حبيت اعرف اذا الموف مع التفاحي يمشو او لا
وانا مو معترضه ان العروسه تتميز او لا انا مستغربه وحبيت اسال هل فيه كذا يمكن وحده منكم تحضر افراح كثير وتعرف العرايس وفساتينهم وطلعت موضه غير الابيض فاذا فيه كذا خلاص زال العجب اللي عندي لاني مااحضر افراح الا قرايبي وكلهم ابيض بس
الموضوع مغلق