هلْ صحيحْ ان البنات يحبون النوم ؟! < بمناسبة الاجازه =)

بما إني موظفة وزوجي موظف فالنظام كالتالي نصحى نصلي الفجر ونرجع ننام ونصحى سبعة ونص ناخذ شور ونفطر فطور خفيف وبعدها أروح الدوام واخلص شغلي عالساعه 4 وزجي عالساعه 5 طبعاً الدوام عندنا يبدأ 9 الصباح المهم أرجع البيت وشور خفيف يكون رجع هوه من الدوام ندخل المطبخ نسوي وجبه لنا وبعدها نجلس عالتلفزيون وما شابه ذلك أو ممكن نطلع لكوفي شوب وبعدها نتمشى عالكورنيش وبعدها العودة للمنزل وبالنسبة للويك إند نصحى بدري نطلع نفطر برى أو ممكن بالبيت ونتصل على أهلنا ونسلم عليهم ونشوف أصحابنا ممكن نجتمع نسهر مع بعض خصوصا صاحباتي أزواجهم يعرفوا زوجي والجمعة نصحى كمان بدري ننظف البيت تنظيف شامل ونغسل الملابس وزوجي ياخذ الشور ويروح يصلي بعدها يجيب غداء أو نطلع نتغدى برى وبعدين نروح نشتري مستلزمات البيت ونرجع بيتنا عالمغرب نرتب الأغراض ونكوي الملابس ونسوي قهوة أو شاهي ونسهر على فيلم أو برنامج وننام متأخر شوي أما بخصوص الإجازة السنوية نرتبلها قبل ب4 شهور ودائماً نقضيها في الخارج لمدة 35 يوم ونرجع لروتيننا وبخصوص إجازة رمضان على حسب لو حنسافر لأهلنا في جدة * تكون وقت مستقطع وفوضى طبعاً أول شيء نسويه عمره بعدها ينزلني عند اهلي وهوه يروح لأهله يرجع هوه لحياة العزوبية والأصحاب وأنا كمان أرجع لحياة العزوبية وجمعات البنات والقرايب ونتقابل على العيد منها نرتاح من روتين الحياة ونجدد المشاعر نعيد مع بعض وبعدها خلاص نرجع لبيتنا. بخصوص النوم أنا نظرتي للنوم أنوه هوه عبارة عن وقت للراحة ووسيلة للإنقطاع عن العالم فأنا دائماً أحب أصحى بدري وللنوم وقت محدد ولو حنام في وسط اليوم نومتي ما تتجاوز الساعه والنص بأي حال من الأحوال ووقت الفراغ أستغله في البحوث لعملي أو ممكن أتصفح مواقع في الإنترنت أو جرايد ومجلات .
هذا ملخص عن تفاصيل يومي وإجازاتي وأوقات فراغي

شكراً لك وحلوه المواضيع الحوارية لأنك دائماً تطلعين بنتيجه إيجابيه منها أقل نتيجه إنك ممكن تتعرفين على الآخر

ملاحظة: أنا أهلي وأهل زوجي في جدة وأنا أعمل بالخبر وزوجي بالدمام

ايوه صح نسيت ما أقلك مبروك والله يوفقك في دراستك وفي عملك تعجبني البنت المثابره واللي مو منكسره حلو نمي الهوايات اللي عندك وحاولي تتعلمين لغات من باب الإستفاده ومن باب إنك تقدري تعبري عن مشاعرك بكذا لغه وتزيدك ثقة بالنفس وسعاده وطبعاص هذه النصيحة لكل من يقرأ الموضوع هذا تعلم اللغات في البداية صعب ولكن بعدها تبدأ تسهل عليك المهمة ونصيحة في بداية تعلمك لأي لغاية أول شيء أحفظي مفردات قد ما تقدري وراجعي عليهم يومياً

على سبيل المثال تتعلمي إنجليزي: أول شيء أعرفي مصطلحات الأشياء اللي حواليك من تلفزيون لكنبة لستاره لملعقة احفظيلك كل يوم 10 كلمات وراجعي عليهم وحاولي تألفين جملة بالكلمة هذي أو حطيها في جملة عشان تترسخ في عقلك ولا تنسيها

وفي الأخير أرجع وأقلك شكراً موضوعك حلو

انا معاك النوم الزايد سببه الطفش .. اللي موظفة ولا عندها عيال مستحيل تلاقين نومها طويل
بس ايش نسوي بالزهق والملل أنا متزوجة بس للحين ما عندي عيال أحس احيانا أني من الطفش أنام ولا أقوم
لا تقولين عمل تطوعي ومادري ايش انا في مدينة صغيرة وماظني عندنا عمل تطوعي .. وبيتي شقة صغيرة يعني تنظيفها ما يحتاج وقت طويل
الله لا يشغلنا الا بطاعته ويرزقني وكل مسلمة بالذرية الصالحة عاجلا غير اجل
والف مبروك نهاية الاختبارات و**** الله من المتفوقات

لأن البنات ما عندهم شي يسوونه
مالهم الا النوم علاج الطفش