زوجة اخوي الكبير ...حسبي الله ونعم الوكيل فيكي

كما تدين تدان

وكلو امركم على الله اختي

الله يصلح الامور بينكم ويهدي النفوس
طيب خلو تواصلكم الان مع اخوكم
اسالو عنه وقابلو بوجه طيب ولاتسالو عن اي شي ممكن يثير مشكله بينكم
يعني اهم شي اخوكم يتواصل معكم عشان امك وابوك
من باب مايلحقه اثم لو قاطعهم

الله يصلح اموركم يارب

اعرف وحده زي كذا
معاديه اهل زوجها وحتى عيالها ماتخليهم يسلمون على جدانهم وعماتهم
واذا جت زواجات عيالها وبناتها تنادي ناس بعيدين ولا تعزم اهل زوجها
وحتى في العزايم العاديه تعزم ناس من اقارب اهل زوجها ويكونوا اقاربها في نفس الوقت وامه واخواته ما تعزمهم
صاروا الناس يسألونها عن اهل زوجها تقول مدري عنهم
واذا قابلوا ام زوجها وخواته يقولون لهم ليش ما جيتوا لزواج ولد ولدكم يقولون ما انعزمنا لين صاروا الناس يحتقرونها ويحسون انها راعية مشاكل وكثير من الناس صاروا يقولوا اذا بتجي ام زوجك بنجي عشان نشوفها ونسلم عليها وصارت تنحرج وجاها ضيقه صدر وهم وغم بسبب تعامل الناس معها واحتقارهم لها واحراجهم لها ولكن في نفس الوقت كانت تكابر ولا تبي تعزم اهل زوجها
مرت الايام وانتشر موضوع كرهها لاهل زوجها بين الناس وان ماعندها سبب مقنع خصوصا ان باقي سلايفها علاقتهم ممتازه باهل زوجها
وكبر ولدها الثاني وصارت تدور له على عروس وكل بيت تخطب منه يروحوا يسألوا اقاربهم ويقولون ترا امه شرانيه ومقاطعين جدانهم وعمانهم
لدرجة واحد من اباء البنات سأل الولد قال صحيح ان لك كم سنه ما شفت جدك وجدتك وتغير وجه الولد وقال ايه لانهم مايحبون امي قال له ابو البنت اجل توكل على الله انت ماتلزمنا
في النهايه كره الولد امه لانه حس انها سبب في كره الناس له وان محد يبي يزوجه بسبب حركات امه وجلس يصيح بين اخوانه ويقولهم السالفه ويقول لامه قدام اخوانه انا بسافر واتزوج اجنبيه وماراح تشوفيني ولا تشوفين زوجتي ولا عيالي واعتقد انه شي عادي بالنسبه لك لان جدتي ماتشوفنا ولاتشوفك ولاتشوف ابوي
طبعا انهارت الحرمه وصارت تصيح وانعزلت عن العالم لين خلاص ضاقت فيها الدنياه بعدين جت في يوم من الايام وخذت عيالها وقالت خلاص بنروح نسلم على جدانكم علشانكم
وراحت وسلمت واستسمحت منهم ومن بعدها سبحان الله خطبت لولدها وتزوج على طول وعزمتهم ورجعت المياه لمجاريها

طبعا هذا كله حصل بعد سنواااااااااااااااااااات من المشاكل والهم والحزن والامراض اللي ماودي اذكر تفاصيلها هنا
بس يشهد الله اني ما كتبت ذالقصه كلها الا عشان ابين لك ان كل انسان بياخذ جزاه
ولا تعتقدين انها مبسوطه اكيد تحصلينها تواجه مشاكل من اهلها وعيالها والكل يتكلم عليها وعلى تصرفاتها معكم بس اهم شي انتم مشوا الامور ولا كأن شي حصل واذا احد سألكم قولوا ما انعزمنا وادفعوا بالحسنه السيئه
قسم بالله لو اقولك هذي ايش كانت تسوي ام زوجها معها ماتصدقين والله ان ام زوجها كانت ترسل الهدايا لهم في مناسباتهم وهم حتى عزيمه مايعزمونها

الشرهه على أخوك ياحبيبتي مو على بنت الناس!!!

لو أخوك رجال كان ماسوت زوجته كذا!!