مسائكم فل
ولكل الي سآلوا عني انا وولدي بخييير اللهم لك الحمـــــــــد
لكم وحشه وماعمري نسيتكم ابدا
ومهما اشغلتني الدنيا ارجع وابحث عن اخباركم
فقدت بنات كثييير وين القديمات ولاتهونون بس وحشتني اخبارهم ؟؟ ندووش وبلسوم وحكيمة وووو ياكثرهم اختفوا
بنات باقولكم شي انا ماقصيت لكم قصة حملي
انا للي يعرفوني كان عندي تاخر حمل مجهول السبب ..
ماخليت شي ماسيوته وربي ماكتب تعبت نفسيا وتعبت زوجي معي
ومن شد مافيني قررت اسوي انابيب تخيلوا ؟؟
قلت خلاص شكلي ماباحمل طبيعي
رحت لدكتور هنا ببريطانيا علمنا شلون بتكون العمليه لكــن طلبت حرمه مابي اتكشف قال اذا جا يوم العمليهوماجت الدكتوره انا باسويها زوجي ما ارتااح له ابدددد كان اصله ياباني او صيني مدري عنه
سبحان الله مشت امورنا بالبدايه بسررعه واستخرت و قلت شكله هذا الي كتبه ربي عقب تعسررررررت وحزنت انها تعسرت
وحاولت اتناسى الحمل شوي لان قلت خلاص باسوي عمليه
المهم جتني الدوره وكنت اقول بنفسي لو انها ماتعسرت كان اخذت منشطات هالشهر
وكنت اتصفح تاخر الحمل وقريت عن المحلب (الي ينحط عالشعر للي مايعرفه ) ويمدحونه انه ينظف الرحم وجارتي مدحته لي تقول يخفف الم الدوره وانه زين ووووو
فاستخدمته اول 3 ايام عالريق كنت اسفه سفوف ملعقه صغيره مع حليب او اي شي دافي
ومشت ايامي عااااادي ولاكنت احرص كثير على ...... بايام التبويض
سبحان الله تاخرت الدوره اسبوع وقلبي يقرقع قلت مانيب محلله دايم تصير لي و بالاخير تنزل وكنت اعزم صديقاتي واحس اني تعبانه وعااادي العب مع عيالهم واشيلهم وهم ثقال مررره ما اهتميت بس كنت باسافر والطريق متعب فقررت اني احلل عشان مافكر واجد رحت اشتريت بدون مايدري زوجي وحللت كان صباح الجمعه
بنات والله اني اررررجف وانا احلل خايفه ويوم طلع الخطين زاااادت الرجفه وقمت اصيح اصييييييييييح وسجدت لربي شكر واصييييح
تمنيت زوجي عندي اعلمه بس كان طالع ارسلت له رساله حلووووه وفيها صورة بيبي وحركات كلمني يقول كذابه
قلت والله قال كذااااااااااااابه ماصدقني خلاني احلل مره ثانيه ..يقول لي وقفت السياره على جنب ونزلت منها يقول رجولي ماشالتني
مو لاننا فقدنا الامل في الله لا .. بس لاننا ماحرصنا ولايدري عن دورتي بالعاده اقول تاخرت هالمره كذبت اقول بقي لها اسبوع وغير كذا كان نفس الشهر الي حددوا لي الانابيب وتكنسلت شفتوا كيف رحمة ربي
سبحااااااانه يوم رزقني حسيت اني مقصررره وحسيت بالنعمه العظيمه الي كنت احلم فيها جاني شعور غرييييييب استحيت حتى من ربي لانها جتني ايام ضعف ووو اكيد كلكم مريتوا فيها
ومرت شهور الحمل خوووف وترقب خايفه اخسره لانه بالبدايه كان عندي انذار اجهاض لكن الحمدلله الحمدلله الله يطعمكم ياااارب
***التجمــــــــــــــــع الثامن لامهـــــــــــــات المستقبل للتفاؤل والأمل***
متابعة النقاش، صفحة 241