تعالوا شرفوا تاثيثي لبيتي بمساعده من اعزخوات بالمنتدى الله لايحرمكن الاجر

حبيباتي ابشركم ان الاسبوع الجاي راح انزل الرياض علشان اثث بيتي وابفصل جلساتي بس ياليت تساعدوني انا والله مالي احد بالرياض ولااعرف شي فيها انصحوني وين افصل مجالس الرجال ابغاها فخمه وحلوه ويهمني الاقمشه تكون جيده وممتازه

وكذلك والاهم مجلسي حق استقبال الحريم مساحته 6في 5 احسه صغير اذا سويت الجلسات كلاسيك لانه راح يضيق المكان اكثر وش رايكم ابفصل مودرن بس تكفون عطوني موديلات تكون مميزة وفخمه وكذلك وين افصل

تكفون وتكفون ابغا ارائكم بكل شي من ناحية الثاثيث بكل شي والله ثم والله لومايهمني رايكم كان ماشاورتكن وعسى كل من ترد وتساعد ماتشوف الشر بحياتها ويفتح الله بوجهها ابواب الرزق امين والله محتاجه مشورتكم ولاتنسوى نزلوا لي صور علشان استفيد

59 تعليق 18,735 مشاهدة

شاركي في النقاش

سجلي الدخول لإضافة تعليق.

التعليقات

57
  1. @bn_algbl_t_1

    في محل بطيبه قريب من محلات التحف والاثاث والله ناسيه اش اسمه ولاعمري جربته
    لكن كل ما امر من هناك يعجبني نوع الاقمشه والديكورات الي عارضها للجلسات الارضيه
    موفقه اختي
  2. @brok_alshayb11

    هلا اختي


    ابساعدك بالي اقدر عليه

    شوفي انتي كم يوم تجلسين بالرياض لان التاثيث متعب مايبيله يوم وليله لاني انا مثلك حاليأ قاعده اثث والله تعبت رايحه جايه

    انا من الخرج ولسى بعد ماخترت شي بس اقولك للمحلات الي روحتلها

    عندك بن دايل هذا روعه فيه كل شي انا عندي كافي عن كل الاسواق تلقين الفخم والبسيط


    عندك شارع احمد بن حنبل فيه محلات اثاث وفخم


    عندك شارع اسد السنه هذا برضوه اثاث واسعارهم رخيصه وحلووه


    طبعا فيه سوق بس لسى ماكتمل فتح بس كم محل فيه اسمه سوق شرق هذا توه جديد على طريق الخرج بس انصحك لاتروحين له مثل ماقلت لك لسى مافتح كل المحلات و شكله بعدين بيطلع روعه السوق فيه كل شي




    وبس حبيبتي هذا الي اعرفه وترا ماعرف الوصف انتي بس اسئلي وهم يدلونكم


    وفيه سوق عويس بس ماجيته

    عندك ايكيا احلى مافيه التحف والحركات

    وبعد محل ديموس



    والله يعينك ويعيني ويطلع اثاثنا كله روعه ويبارك لنا فيه امين يارب العالمين
  3. @byot_shaabyh

    صاحبة الموضوع
    الله يسعدك يابروق السحايب وعساك تسكني بيتك باتم الصحه والعافيه ويسر امورك بس وين الباقين

    وين بنات الرياض اهل الذوق والفزعات

تابعي تجارب أخرى من هذا القسم.