مساء الخير باحلوااااات
والله ماادري من وين أبدأ مهمومه ومتضااااايقه ومالي غيركم اشكيله
تخيلوا انا تو مالي الا 8 شهور من يوم تزوجت واهل زوجي حاطتهم ع راسي
والله يابنات بس يوم شفت الدق بالهرج قررت اصير رسميه
كنت اول انزلهم بإستمرار لين قالت لي امه مثل وجرحتني فيه
((إذا طلعت من دارك قل مقدارك)):06:
ومن بعدها ماصرت انزل كثيييييييييييير
وبعد فتره صار بيني وبين اخته سوء تفاهم
وعلمو زوجي وطلع وهو منتفخ
وجلس يهزأني يقول انتي ماعاد تبين اهلي وكل بعد يومين راح اعزمهم غصب عنك والحين تقومين تصلحين الشاي والقهوه
واذا ماصلحتيها انتي طالق بالثلاث وهالبيت والله ماتقعدين فيه دقيقه وحده
لاني قلتله والله لو ماابي مااصلح بس تربيتي ماتسمح لي
تخيلوواا قالي يالله يالله روحي بس
وقهرني يوم قال انتي اصلا ماتسوين عندي شي ولاتهميني
واختي بتعتذرين لها
والله يابنات اني رحت لها لحد بيتها واعتذرت وكل شي عند ربي مايضيع:06:
والحين لي 3 ايام لايكلمني ولا شي وانا كذلك
وربي ماغلطت عليه ولاقلت له شي بس ماادري هل تصرفي صح
اني اطنشه ع كلامه
ومو اول مره ينطق الطلاق من اول يوم زواجي وهو يقولها وانا صابرهـ
تكفووووووووووون وش اسوي بمووووووووووت قهرررررر..
شاركي في النقاش
سجلي الدخول لإضافة تعليق.
التعليقات
29- الله يصبرك ويعينك على ما ابتلاك ادعي ياختي اخر الليل ان ربي يالف بينك انتي وزوجك
ويصلح من شانكم وروحي تكلمي مع زوجك وتكشخي وبيني انو انتي تعزيه وما يهون عليكي زعلو
وان شاء الله ربي يهدي سركم - الله يعينك ويسخره لك
- والله ماادري وش اقولك
الا الحين هو يقولك ماتسوين عنده شي ياختي فين كرامتك لو انا منك كان شلت عفشي ع بيت اهلي احسن لي دام ماعندي عيال وش بخسر كل شي ولا كرامة الانسان
واذا ماغلطتي ليه تعتذرين خايفه يطلقك راضية بالاهانه يعني ؟؟؟
ولا شكله يبي يتمرجل يعنني رجال اعطيها العين الحمراء من اولها ههههههههه
مااقول الا الله يصبرك على هالاشكال لاتسكتين اذا ماغلطتي قولي ماغلطت
اليوم يقولك ماتهميني بكره يدعس عليك اعذريني بس هذا الواقع - طيب وش اسوي علمووووووووووووووني انا وحيده اهلي
واهلي ماابي ادخلهم
والله تعبت وربي انا احاول اني اروح له وكأن ولاشي صار بس مااقدر
كل ماجيت اروح ارجع اه ياربي اه بس - الله ينصرك على من ظلمك ويريك سبيل الرشاد
مواضيع مشابهة
تابعي تجارب أخرى من هذا القسم.