بنات تبوك مهر اختي لتجهيز3000 الاف بس ومعي يومين

الله يسهل لها يارب ويبارك لها فيها ويبارك لك بوقتك
ماعندي خبره بتبوك
بس حبيت ارفع لك الموضوع

الله يوفقها

الله يعينها 3000 قليل عليها والاسعار الي طايره الله يطرح فيه البركه
اهم شي قسميه في البدايه
ملابس الداخليه من البدر حلو وماتتغير 200 ريال
ملابس نوم 200 ريال
عبايه وطرحتها 200 ريال
شنط وجزم من خطوات 200 ريال ..
الاكسسررات والعطورات 300 ريال هذي 1100
طبعا ملابس الطلعات تشتري 3 غيرات حلوه 500
ملابس البيت تشتري 200 ريال والباقي ابو الشباب يكملها ....
المكياج تاخذ المسكره ووالمضغوط من ماكس فكتوريا عشانها حلو وماتغير البشره وحتى اساسا مكياجي حلو واقتصادي 100 ريال بس على فكره مضغوط ماكس فكتوريا لقيته في بعض المحلات 70 وهو اصلا 50
والعطورات لاتاخذينها من تبوك سنتر اسعارهم زايده 30 ريال عشان الاجار ولا حتى من الاسواق الي في الهرم 000 روحي للسوق الجديد ...
اما الكوفيره المكياج قولي لها اخت العريس ترى مكياج العروسه واخت العريس مايفرق الا بالسعر ....
وكمان اغراض من الصيدليه الضروريه روحي للدواء يعطيك بطاقه شراء اذا وصلت 300 تاخذي 100 مجانا 00اهم شي اغراض الحف وفيه كريم استحمام مفعوله احسن من ذي بوي شوب من نيفيا ..
وهذي صورته

ان شاء الله اكون افدتك واذا تذكرت شي رجعت وكتبته...

طبعا تشتري طقم شناط سفر او تشتري شنطه كبيره تجمع فيها اغراضها .....
وطقم استحمام من البدر حلو صناعه تركيه مايتغير اما الصناعه الصينيه تبعد عنه ومافيه فرق بالسعر ...

اصلا المفروض العروس ماتكثر ملابس يمكن تحمل على طول وبعدين هي راح تكره ملابسها بعد الولاده.اهم شي العطور والمكياج ..

تبي شي رخيص السوق الجديد

والبدر فيه حاجات حلوه ورخيصه