هلا بنات وحريم وبنوتات شوفوا بقولكم حكايتي ,
انا شخصيتي ضعيفه مرررره وهذا يرجع ل اسباب ومشاكل عائليه بين الكبار راح ضحيتها حنا الصغار لاني اتذكر كل ماتجي مشكله اتخبى واخاااف ليما صار الخوف مرابطني لدرجه اني مااقدر ادافع عن نفسي ايه مااقدر ولا بحتى نظره قبل سنتين لما كنت بالثانوي تطاولت علي وحده من البنات بدون سبب وكنا متجمعين بالفصل المهم غلطت علي وقالت ترى بصكك باللي معي طبعا قالتها بنفاخ وصوت عالي وش تتوقعون مني لو انسان عادي موب شرط وحده شخصيتها قويه لو وحده شخصيتها عاديه كان ردت واكلتها ..... بس انا ناظرت بالارض ولا قدرت حتى ادافع عن نفسي بنظره او خزه واللي متعبني اني اذا احد غلط علي وقلت لنفسي يالله ياريم ردي يصير جسمي يرتجف مره وابلع ريقي ووجهي عنابي واتأتأ بالحروف من ابسط الاشياء اااه حتى العاملات اللي بالجامعه قد غلطوا علي ولا قدرت اسوي شي وزوجات اخوي بعد يسبون عيني عينك ولا يشوفوني شي وشغالتنا مره انا طايحه من عينها لو طلبت منها شي تنافخ وتعلي صوتها واللي يقطع قلبي اني لما افكر بيني وبين نفسي يأنبني ضميري ولا اصير اقدر انام واقول ليه مارديت على فلانه وسكتها واكثر موقف يقهرني انه مره كنا معزومين والصاله مليانه حريم دخلت وسلمت وقالت لي صاحبه العزيمه شيلي عباتك قلت لا بخليها علي طبعا باابتسامه قلت لها ردت علي قالت طيب وش جابك دامك ماتبين تشيلينها طبعا ناظرت بالارض وسكت كالعاده لا ووجهي يحمر وايدي ترتجف وهي اللي غلطانه علي غريبه حالتي ومااقدر اخذ موقف انه هالانسانه اللي غلطت علي مااكلمها لا اذا شفتها ضحكت معها ولا كأنها سوت شي يالله وش اقول وش اخلي مواقف كثير خلوها على الله بس اللي ابيه تعلموني كيف اقوي شخصيتي ...
شاركي في النقاش
سجلي الدخول لإضافة تعليق.
التعليقات
46- يااحيااتي انتي حلو انو الانسان يكون طيب ومايحقد على احد ومايشيل بقلبه
بس مولدرجة انو نسكت عن حقنا لو احد غلط علينا
حاولي ياقلبي لين تتعودين لازم تاخذين حقك وماتسكين لاحد وماتخلين احد يستغلك ويستضعفك
الله يسعدك ويوفقك - الله يكون بعونك
- باين انك طيبة مرة و الكل مستغل هالشي ضدك
حاولي تستشيري طبيب او اخصائي نفسي
والله يشفيكي من هالحالة - فيه كتب عن تقويه الشخصيه وتعزيز الذات اقرأيها وطبقي
- ياريت ياام هيما انا هذا اللي اتمناه اتمنى اني ادافع عن نفسي واكون واثقه شكرا على ردك ياقلبي ..... ولكل اللي ردوا مشكورين ياعسولات فديتكم ,,
مواضيع مشابهة
تابعي تجارب أخرى من هذا القسم.