السلام عليكم ورحمه الله
بدخل بالموضوع على طول
بس عندي رجاء اللي تبي ترد ترد بذمه بدون سخريه
اللي بتتشمت او تتمسخر ربي ينتقم لي منها
بنات انا متزوجه من كم سنه
مو كثير اقل من خمس سنوات
وعندي عيال
مشكلتي زوجي
انسان مايتكلم معاي ابد
ابدددد
ابددددددددد
ولما اكلمه مايرد علي يعني يمكن الجدار يحن علي ويرد وهو طنااااش :(
صرت من جد احس بفراغ عاطفي لا كلام حلو ولا مدح ولا حتى سوالف
كلامنا كله عباره طلعي لي لبس
حطي الغدا
جيبي مويه
كلام السكوت افضل منه :09:
ولما سالته ليش انت كذا معاي لاني اشوفه مع العالم راعي سوالف مره مع امي واخواني واهله واصحابه
قالي لان انتي اي كلمه تعلقين عليها
انا مااعلق عليها بمعنى السخريه
قصده اني مثلا لو قالي شي
يعني اضرب لكم مثل لو قالي انا والله شفت سياره الفلانيه وميزتها كذا وكذا
وعلقت انا مثلا لا والله احسها سياره سواقين او عائليه او شي عادي
تعليق عادي يعني يقول انتي مفروض اي شي اقوله لك تسمعين وتسكتين وبس
بوصح لكم نقطه
انا اصلا دايم معاه اسوي روحه انه صح مع اني دخل نفسي اعرف وش كثر الارانب اللي تنطط حولنا من سوالفه
بس عاد فيه اشياء ماينفع تسكتين وماتعلقين
يعني مثلا يقول انتي قصدك من الحركه الفلانيه كذا
طيب مالك حق تبينين وجهه نظرك ؟
فهمتو وش اقصد ؟؟
تخيلو يبي يقعد يسولف معاي بالاسبوع مره ابو ساعتين بس وانا ساكته لااخذ ولااعطي
لاتبينين رايك بشي اطلاقااااا
لدرجه اني كلمته قبل اسبوع عالجوال ورد وهو معصب قالي خير .. صبحت عليه وانا رايقه وسالته عن احواله
قالي فيه شي .. تبين شي
قلت لا بس بسولف معاك قالي وغيروو قلت بس
قالي يالله يالله وصك السماعه
بذمتكم مو شي يقهررررررررررر ؟؟
:44:
من جد انا وصلت حدي منه
حارمني من صديقاتي وقطع علاقتي فيهم من غيرته الشديده
والان هو مايسولف معاي
ماغير اقابل جدران البيت
اهلي وخواتي كلهم لهم حياتهم
طفشت منه ومن اسلوبه
وربي من اصبحت وانا بضيقه ونكد
ولو اعصر مخدتي كان نقطت من كثر دموعي عليها
حتى علبه المناديل قربت تخلص من كثر مابكيت اليوم
وربي مليت يابنات
النفس تبي الانفس
وانا مليت من الوحده :icon33:
الموضوع مغلق