شاركي في النقاش

سجلي الدخول لإضافة تعليق.

التعليقات

2,260
  1. @am_zyad3

    وحشتوني يارشيقات
    ابشركم رحت عند الدكتوره وقالت ان الراس نزل في الحوض وضاغط لتحت والمشيمه راحت على جنب
    ومتوقعه ان الولاده في الايام اللى جااااااااااااااااااايه لاني دخلت التاسع من اسبوع
  2. <<همسة غلا>>
    (((((((((((((((((((((((((
    عــــــــــــدنـــــــــــــا

    محد قدي،، هلا حبيبتي،، هذا اللي نباه نحنا أنج تضحكين وتستانسين وترمين هموم الدنيا كلها ورا ظهرج..
    عسى أيامج كلها وناسةxوناسة ان شاء الله..


    مارشملووو،، أهلين وسهلين بالغالية،، أفا عليج ما سويت شيء،، حبيت أفيد وأستفيد..


    مرام القلب،، ما تشوفين شر ياعيوني،، طمنينا عليج..


    بقايا جراح،، انا مثلج واااااااايد مرعوبة من الولادة مع انها الولادة الثانيه،، الله ييسر علينا جميعاً..


    جولد ستار،، مبروك التاسع حبيبتي،، وترى كل اللي تحسين فيه طبيعي بسبب نزول راس الجنين في الحوض وضغطه.. الله يهون عليج يااارب..


    رشة عطر،، ألف ألف ألف ألف مليون مبرووووووووووووك دخوولك التاسع،، تستاهلين كل خير..


    أم هنوود،، ياعيوني انتي،، شحالج وشحال الريم...؟؟ خبريني عقب ما تولدين بالسلامة عشان ازورج في المستشفى تراه قريب منا..


    أم زياد3،، مبروك نزول الراس،، ويالله شدي الهمة وقصي الشريط وعقبالنا بعدك


    سلامـــي لباقي الحوامل
  3. نوف الحربي
    مساء الخير للجميع :time:كيفكم ياحلوات انا من بعد ماطلعت بناتي وتمشيت في الاسواق خذيت بريك لاني تعبت شوي تضحكون على تعبت من المشي وجلست على الكرسي وجبت كرسي ثاني ومددت رجولي عليه وبنتي ياماما فشلتينا قلت لها هذاالسوق اللي تبينه شريت لبناتي …
    هلا والله بالحلوات ....


    أساور
    ام شما
    همسة غلا
    فرحة قلبه
    عراقية
    نوف الحربي
    مرام القلب
    لمسة ذوق
    رحاا
    ايثار قطر
    البسمة البريئة
    syriangirl76
    بقايا جراح
    دوجا
    poce
    كنز الحنان
    اميرة الاحساس
    ام احمد
    لول
    ام هنوود
    موني
    دلوعة
    شامة
    موني
    مشمش
    كرزة
    ام عن قريب
    سحايب صيف
    طفلة
    شجون
    اسوم
    البدر
    الباندي
    شويكار
    رنا محمد
    تومي
    ام حنونة(ان شاء الله ما نسيت احد ) والله يسهل عليكم


    ......

    رحاا انا كتاكيتي الحمد لله بخير .... شخبار كتكوتك ؟؟؟ بعده يرفس مثل قبل ولا خلاص صار رجال !!!


    ام هنوود .... الله يبارك فيك ؟؟؟ اكيد انتوا مثل خواتي ... الله يخليكم ولا يحرمنا من طلاتكم الحلوة ...

    أم شمـــــا ... تدرين ليش ما فينا وحدة ولدت لحد الآن ؟... لأن ما شاء الله كل وحدة قاعدة عند النت وكرشتها قدامها وتاركه الاولي والتالي والبيبي مستانس يرفس لا امه بتتحرك ولا بيتعب ( علمناهم الكسل من الحين ) حتى الولادة ما لهم خلق عليها حتى يطلعون .... الله يسهل لهم ويسهل ولادتهم


    تصدقون نسيت ما جهزت الشنطة ؟؟؟ ونسيت في الاصل اشتري لي ثياب للمستشفى وللاستقبال ؟؟؟
  4. رشة عطر.. هههههههه ضحكتيني والله..
    لا تخافين حصلتي لج وحده متكيسله وياج :D ترى انا بعد لين الحين ما جهزت شنطة المستشفى بس مشتريه ملابس للمستشفى بس بعدني ما حطيتهن بالشنطة...!!!!

    سحايب صيف،، خلاص عيل غيري عن هالأسمين،، ودوري لج اسم حلو ومعناه زين والله ييسر عليج... :)

    بنات تدرون ان التاريخ الهجري أضبط في الحساب من الميلادي، يعني امشوا على تاريخكم الهجري وشوفوه يصادف أي تاريخ بالميلادي بتلقونه ما يصادف التاريخ اللي عاطينكم اياه، مجدمنه بكم يوم...

    يعني أنا مثلاً موعدي بالميلادي 30/4
    بس موعدي بالهجري تاريخ 35/3،، الموافق بالميلادي 23/4

    يعني الفرق أسبوع بالضبط...:)

    فهمتوا....................... :30:

    الا عراقية وينها............................؟؟؟؟؟
  5. @rhaa

    سلام
    انا الحين خارجة اسوي لفة طووووووووووووووووووووووووويلة
    الله يستر من التعب
    منو منكم تجي معاي

تابعي تجارب أخرى من هذا القسم.