تجمع الموقنات برحمة الله(خبرات متبادلة حول مراكز العقم في مصر)الجزء 22

مفيش حاجه بتتحس خالص يا امل صدقيني

ازيكم يا بنات

انا لسه جديدة عليكم

انا ام كركر من مصر

نفسي اخلف ولد اسميه كريم

عملت حقن مجهرى فى مستشفي ادم

فشلت

طبعا المستشفى ما تستاهلش كل الشهرة دى

مش عشان العملية مانجحتش لكن والله العظيم من اول يوم مفيش عندهم نظام فى اي شئ

حتى طلبنا تقرير يستوفي حالتى انا وجوزى للاسف حتى التقرير ده مش جاهز بعد ما روحنا مشوار طويل من العاشر من رمضان للمهندسين ورجعنا من غير شئ

طبعا سحبوا عينه من جوزى لانه كان متوتر من العرفة الحر وريحتها غير الدوشة اللى بره غير اللى بيخبطوا على الياب

حتى السائل اللى سحبوه مش فحصوه ولا حاجة والله اعلم اختاروا الحيوانات الجيدة ولا لقحوا وخلاص

ختى انا ما قالوا ليش استخدم الدوا ازاى لمجرد انى تابعة لدكتور من خارج المستشفي

حتى البويضات مش معروف درجتها غير ان تسع بويضات صالحه للاخصاب لكن من الدرجه الكام الله اعلم

حتى الاجنة الدكتور قاللى كويسين ورجعهم ولا حتى ورانى السونار والاجنه فى الرحم اهه حتى كنت شوفتهم ولو مرة

انا بجد مقهووورة اوى من المستشفي دى

واللى تقري كلامى تقوللى لو اتحطت فى موقف زى المستشفي دى تعمل ايه

واروح لاى مركز مضمون ما يعاملناش بالطريقة الوحشة دى

قولوا رايكم بجد