طريقة فطاير

السلام عليكم ورحمة الله وبركااته ..

بنات طالبتكم ابي عجيينة فطااااير سهله وتضبط حتى مع اللي ماتدري وين الله حااطه
وربي تفشلت من أمي تحب الفطااير وداايم يطلب مني لاكن مع الاسف ماتضبط معااي مره تطلع زي الحصاة قااسيه ومرا تطلع مو منتفخه مع اني اخمرررها ....

قسسسسسسسسم فششششيله ماشاء الله ع زوجت اخوي تضبطها طلبت منها الطريقه ورفضت:44: ونحرجت قدام أمي تهي تهي:44:

7 تعليق 4,764 مشاهدة

شاركي في النقاش

سجلي الدخول لإضافة تعليق.

التعليقات

7
  1. والله لو تبين شي الا مرت الاخو لا تطلين منها شي
    انا اعطيك ياقمر بس مو فاهمه قصدك عجينه اليتزا والمعجنات

    انا هذي عجينتي في كل شي

    كاستين دقيق
    كاسه مويه نص كاسه حليب جاف ملعقه سكر رشه ملح ظرف خميره فوريه
    ربع كاسه زيت
    تخلطي المواد الجافه مع بعض بعدين تضيفي المويه والزيت واتركيها تخمر
  2. شوفي حبيبتي كثر العجن يطلع العجينة حلوه وقطنيه
    عجينة العشر دقايق رووووعه وتصلح لجميع انواع الفطاير تلقيها هنا بالمنتدى او ابحثي بقوقل تطلع لك بالتفصيل واذا مالقيتيها ابشري اكتبهالك
    اوعجينة الاسفنجيه من كتاب ابداع وفعلا اسم ع مسمى روعه
    تحطي في كاسة العجن اوالعجانه
    كوبين مويه دافئه وكوب حليب بودره وملعقه ونص خميره وحركي زين وبعدها حطي عليها فنجان سكر ونص كوب زيت ورشة ملح وحركي واخر شي حطي اربع اكواب دقيق مع ملعقة بكنج بودر واعجني كثير تطلع حلوه وخليها لين تخمر من نص ساعه الى ساعة وشكليها ولا تنسي ادهني الفطاير ببيض او حليب سايل تعطي لمعه حلوه
  3. جربي هاذي ماراح تندمين وراح تعتمدينها في كل فطائرك بس التزمي بالمقادير والكوب المستخدم
    تستخدمينه نفسه عشان تطلع المقادير صحيحة لو عندك الاكواب المعيارية يكون احسن لانها يجي فيها
    الكوب والنص والربع والثلث فتسير مقاديرك مضبوطة
    العجينة الاسفنجية للفطائر
    2 كاس دقيق كويتي منخول
    1كاس وثلث كاس موية دافئة
    1 علبة لبن زبادي
    نصف ملعقة صغيرة ملح
    فنجال قهوة سكر
    1 ونصف ملعقة اكل خميرة فورية
    1 ملعقة صغيرة بكنج بودر
    3 ملاعق اكل حليب بودرة
    تخلط جميع هاذي المقادير مع بعض في الخلاط الكاس ثم تصب في طاسة العجن وتغطى لمدة ربع ساعة
    حتى تتضاعف بعدين نضع عليها 2 ونصف كاس دقيق كويتي منخول ونصف كاس زيت
    تعجن جيداً وتحطين في يدك حوالي ملعقة زيت وتعجنينها وترفعينها فوق وتضربينها على الطاولة او في الطاسة بقوة وتعجنين وتكررينها لمدة 3 دقايق بعدين غطيها لمدة ساعة حتى تتخمر وترتفع وتستخدمينها
    لكل شي حتى للسينبون يطلع روعة وفطائر السبانخ وفطائر التمر واللحم والخظار والبيتزاء جربيها وتشوفين
    راح تعجبك وتفنني في تشكيلها

تابعي تجارب أخرى من هذا القسم.