كل وحده تقول لي لو هي مكاني وش تسوي ؟؟

السلام عليكم ورحمة الله وبركاتة ..
انا عندي سالفة محتاره فيها مرررررررررة :44: انا متخرجه طبعا من وزمان بكالوريوس جغرافيا وصار لي يمكن اكثر من 8 سنوات ومتزوجة وعندي ولدين ولدي الاول الحين رايح ان شاء الله ثاني ابتدائي ووولدي الثاني عمره سنه وثمانية شهور عاد قدمت في مدرسة اهليه عن طريق واحد يعرف زوجي ووعدوني احتمال انقبل وقالوا لي احتمال يدقون علي هالاسبوع او الا بعد علشان اختبار ومقابله عاد انا جلست افكر بيني وبين نفسي في كذا شغلة اول شيء انا توظفت قبل اجيب اتزوج واجيب العيال في مدرسة اهليه سنة كامله وفي معهد حاسب برضوا سنة وكان العمل هلاك ومتعب وانا كنت لا عيال ولابيت ولازواج ومدلعه عند اهلي اجي وانام ولاادري لا عن طبيخ ولاغيره واكلي وملابسي كله جاهز بحكم وجود شغاله عندنا الحين الوضوع غير مليون درجة عيال وبيت وزوج وتدريس ولدي وطبيخ وتنظيف وانا وظيفتي والمشكلة الاعظم والامر ولدي ماعندي احد اوديه له يعني لازم اوديه حضانه ويبي لس سواق يوديني المدرسة والراتب كمممممممممممممممممممم 1800 تهقون تسوى علي التعب وظيفة وبيت وعيال ولازم ادفع حضانة ولدي وسواق واشتري لي بس للدوام تهقون كم بصفى عليه من الراتب وفوق هدا ارجع من الدوام اطبخ ادرس ولدي واخلص اشغال بيتي والصباح اقوم البس عيالي الاثنين والبس واروح الدوام واجي الظهر تقريبا 2 علشان مدرسة اهلية وجالسة افكر محتاره اروح الاختبار لو لا ودي في الوظيفة مررررررررة
بس لو كان الراتب اقوى كنت تحمست الفكرة الي ابي اقولها لكم ومحتاره فيها هل التضحية والتعب الي بتعبه يسوا على راتب 1800 بعد كل الاقلته لكم من حضانة وسواق وتعب :09:
بالله عطوني رايكم لاني مرررررررررررة محتاره في عمري ومدري شسوي

43 تعليق 3,617 مشاهدة

شاركي في النقاش

سجلي الدخول لإضافة تعليق.

التعليقات

41
  1. @rkrok_2

    والله ما ادري
    اذا كنتي مرتاحة الحين واحوالك المادية زينه ماله داعي
    والوظيفة بعد زينه لانك راح تستفيدين مها كان راتبها
    انا انصحك تجربين واصلا ماتدرين عن الضروف يمكنن تتمنين انك لو توظفتي وما تركتيها
    على الاقل تتحللين هالشهادات اللي تعبتي عليها سنين
    وولدك حطيه عند اهلك او الحضانه
    الله يوفقك ويسر امرك
  2. @amplmaa_almas_amp

    صاحبة الموضوع
    خواتي ساره والحب الاخيرورقروقه مشكورين خواتي على الرد بس بالنسبة الى ولدي مااقدر اوديه عند اهلي اهلي بعيد عني وثاني شيء الحضانة لو بوديه بدفع له مبلغ وقدره ودي اجرب وكنت متحمسه بالمرة بس الحين محتاره خايفة ماارتاح نفسيا واتعب زيادة وانا من النوع الا كل شيء اشيل همه تسلمين على مرورك وردك بس افكر واشوف وش اسوي

تابعي تجارب أخرى من هذا القسم.