ياحوامل تعالوا شوفوا اهمالي وش سوا فيني وانتبهوااااااا

@am_ftyany

هلا وغلا
هذا انا سلمكم الله حامل في الشهر السابع
وعندي ولد وبنت يعني الحمل الثالث لي هالمره غير عيالي
طحت بالشهر الثاني وصرت اخذ مثبتات الى الرابع وبعدين قالت الدكتوره الحمد لله كله تمام وقفيه
قصه حياتي سوري
الزبده من اسبوعين تقريبا احس بمغص يروح ويجي بس محتمل والم بظهري ومطنشه قلت يمكن برد
صرت اكل كم ملعقه كمون ولا احط ابالي
يوم الثلاثاء الماضي صار قوي قوي نار قلت مايبي لها عالمستشفى
واروح قالت دكتورتي لازم تخطيط واول ماحطوه لي وانفجر صياح حسيت السالفه جد
لانهم بعيالي مايركبونه لي الا بغرفه الولاده
وتوريني شوفي فيك طلق لازم مثبتات وتعطيني ابرتين تقول وحده ماتكفي ولازم كل اسبوع تاخذينها الا ان تدخلين التاسع:eek:
وطلبت مني افتح ملف بمستشفى حكومي وانا اكرههم هذا المستشفى البريطاني اللي اراجع فيه
فالحضانه المبكره مكلفه مووووت ولا عندهم وش تنصحوني باي مستشفى غير قوى الامن زوجي تابع له بس لو الموت مارحت له الله لايحدني له
وامس رحت سوق غرناطه قلت ابشتري لعيالي ملابس العيد احتمال تجيني ولاده باي وقت
ومشيته كللللله
رجعت البيت جاني مغص موت لدرجت اني صرت مثل الربيانه مستمر من وحده بالليل الى ثمان الصبح وعيوني
ورمت من الصياح خايفه اولد الحين ويصير للبيبي شي
المصيبه قلت لزوجي حط كاسه فيها ورق نعناع وشوي يانسون يمكن يسكن المغص ومت زياده
سأل زوجي بالنت عن الهباب اللي شربت صار يزيد الطلق ويساعد عالولاده:eek:
يارب استر علي هل هالكلام صحيح يابنات وش اسوي عشان اوصل التاسع باذن الله
وانتبهوا يابنات من المشي

53 تعليق 5,621 مشاهدة

0 0

شاركي في النقاش

سجلي الدخول لإضافة تعليق.

التعليقات

52

  1. @ohg_almsaaa

    كان الله في عونك حبيبتي
    ومعروف ان المشي يساعد على الولادة
    انتي حاولي تسترخين ولا تجهدين نفسك
    وان شاء الله البنات هنا يفيدونك

  4. @mlak_81

    يووووه ياعمري عليك
    انتبهي لنفسك الله يهديك
    والمفروض ماتمشين
    انسدحي على ظهرك
    ولاتهببين شئ لين تقرأين عنه هل يضرك او لا
    الله يحفظ جنينك ويعينك

تابعي تجارب أخرى من هذا القسم.