بنات ابها فديتكم

يالبى قلوبكم والله جعل ربي يسعدكم وييسر اموركم والله يابنات احنا يأهل نجد نموت في ابها والجنوب بأجوائه البارده ونقعد نجمع من رواتبنا كننا نسدد قرض بس للاسف اول مانوصل ابها نلاقي الاسعار نار ونظطر نختصر الاجازه لان فلوسنا ماتكفي سكن فما بالكم بالترفيه ومصروف الاولاد ياليت على الاقل نلاقي لو بيت شعبي او قديم بس ابي اقعد في ابها اطول فتره يالبى الديره واهلها

شكلي بصيف في حوشنا قبل شوي اتصلت صديقتي تقول ماخذين شقه بسبع ميه في اليوم :eek: معقوله اذا الواحد بيصرف سبع ميه يوميا بس للسكن الي مانقعد فيه الا للنوم غير المصاريف الثانيه طيب في عشره ايام كم يصرف اذا كان راتبه على قده ولا بلاش يصيف مثل خلق الله ,ظلم الي قاعد يصير وين الحكومه ماتحدد الاسعار وتعاقب المبالغين لانهم كذا يحاربوا السياحه الداخليه قسما بالله في سوريا بيت مع بستانه بميتين ريال في اليوم وفي ديرتنا مانقدر حتى على سكن شعبي

معقوله يابنات مافيه ولا وحده من ابها تقدر تفيدني

يعني ماتبين خميس مشيط

صح ابها جوها روعه بس خميس مشيط أوسع صدر وارخص في الشقق وماتبعد كثير واذا تبين بيت قد سمعت أن الواديين رخيص ويستأجرون الناس فيه بيوت