السلام عليكم ورحمة الله وبركاتة
ابغي رائيكم في موضوع الشنط الماركات اللي منتشرة بشكل يسبب الغثيان :09: لا ويقولوا بعضها اصلية بمبلغ وقدرة يعني راتب شهر الله يعين الرجال:arb: او تقليد درجة اولى ارخص شوية وتلاقي الكل شايلها في مول او مطعم او محل ابو ريالين حتى لدرجة بعض البنات يتسلفوا عشان يشتروها المهم يكونوا شايلينها :mad: والله شي يتعب نفسين بس ما اقول غير الحمدلله
شاركي في النقاش
سجلي الدخول لإضافة تعليق.
التعليقات
47- الحمدلله اللي ربي كرهني في الماركات ما احب اشتري شي غالي الماركات الوحيده اللي اشتريها المكياج عشان تكون مضمونه
اما غيرها الحمدلله ما احبها احب البساطه ومايهمني اذا كانت رخيصه اهم شي يكون شكلها حلو ومناسب
والله اني استغرب من اللي تقول اشترت شنطه بـ 500 وربي انه اسراف
اللهم لا تجعل الدنيا اكبر همي
سبحان الله وبحمده عدد خلقه ورضا نفسه وزنة عرشه ومداد كلماته
استغفر الله لي وللمؤمنين والمؤمنات والمسلمين والمسلمات الاحياء منهم والاموات - والله انك صااااادقه صاروا كل الناس طقم
- الشنط الماركه حلوه جدا ولها نكهتها الخاصه
اولا جوده عاليه وماتخترب ابداا الا اذا اختربت بحبر لا سمح الله او شئ
بس ما تتقطع ولا تتغير وحتى لو بغيتي تبيعيها مستعمل فيه من يشتريها
انا عن نفسي احب الماركات بالذات كوتش وديور تجنن
وعندي 4 شنط ماركه يمكن قيمتها 11 الف ريال
وترى كل شخص وامكانياته - سبحااااااااااااااااااااااان الله
وبحمــــــــــــــــــــــــــ ــــــــــــــده - شوفي حبيبتي
الماركات بشكل عام وخصوصاً الشنط منها برأيي انتشرت بشكل مقزز فعلاً
وعلى قولة الي فوقي صارت الناس طقم بس ليييش
لأن الناس أساءت فهم شراء الماركات :(
وحالنا وصلناله مو من زود الفلوس الا من زود الفجع والتقليد الأعمى :32:
الماركات أسعارها مرتفعة مو بطر لا
لكن يوم تشتري مثلاً شنطة من الهرم ب 50 ريال
فرق عن تدخلي بوتيك شانيل مثلاً وتشتري شنطة ب 10,000 ريال
ليييييش
لأن شنطة شانيل تكون مصنعة في فرنسا والخامات سواء جلود طبيعية أو حرير أو غيره
يكون من أفضل الأنواع أضف على ذلك المحل نفسه وديكوراته واستقبالهم لك
ومدام حابة تشربي موية عصير غازيات وخدمة جيدة جداً
غير البوكس والملحقات إلي تجي فيه الشنطة
وغير ورق الفاتورة نفسه تحسيه من أجود اوراق الفواتير..<< كل هذا سبب في ارتفاع سعر الشنطة
يعني انتي تحاسبينهم على كل هالدلع بس بطريقة غير مباشرة
غير الهرم ادخلي تدافعي وتناطحي مع الناس
وقشي الشنطة الي عجبتك حاسبي عليها وتوكلي بدون بوكس بدون شرح مفصل عن الخامات
المستخدمة بصناعتها بدون تغليف بدون كيس مرتب بدون دلع والتصنيع تشاينا وأخواتها
طيب هل يعني نكون ضد الهرم وسنتر بوينت و سيتي ماكس... وحتى البطحاء
الجواب لاااا طبعاً
لكن كل إنسان له درجة اجتماعية معينة وكل انسان وراه مسؤوليات تختلف عن غيره...
يعني انتي ممكن ميزانيتك شنطة بحدود ال 50 فغيرك يشوفها غالية بهالسعر
وميزانيتهم شنطة ما تتعدى 10 ريال كل عيد
بالمقابل ناس ميزانيتهم 500 وناس 5000 و..... وناااس توصل 100,000 والى مالا نهاية :eek:
ممكن أنا اشوف وحدة شارية شنطة بألف تبذير واقعد احش فيها ومبذرة ومسرفة ويالله الجنة
والشنط المفروض ماتزيد عن 100 و و و..
لكن الألف هذي كانت لها مثل المية ريال بالنسبة لي!!
وبالمقابل اختنا الثالثة شايفتني أنا مبذرة وشارية شنطة ب 100 ريال
وماسكتني تقطيع هي الثانية!!!
فما نقدر نفرض حد معين ع أي انسان فيه ناس اذا شرو الشنطة بألف كانوا فعلاً مبذرين
وناس اذا اشتروها بعشرة آلاف كانوا مو مبذرين لأن ترجع لوضعهم الإقتصادي ياعيوني
اما الحاصل الآن فشي مخجل الناس تشتري الماركة للفخفخة والعنطزة على بعض
ويا أرض تهدي ماحدا أدي
وع قولك ممكن يستلفوا ويتدينوا عشان يشتروها؟؟؟؟
ولا الي هابين بالتقليد مو لأن الموديل حلوو لا لأنها الماركة الفلانية وفلانة معها منها مو أحسن مني؟؟
وتلاقيها لو ما درت انها ماركة ما حطت فيها ولا 100 ريال!!
حالنا مؤسف صاير وعقولنا فارغة الله يعفو عنا
ولا ننسى آخر شي في ما معنى الحديث ان الله سبحانه اذا انعم على عبد بنعمة أحب أن يرى أثر نعمته عليه
والآية الكريمة {وأما بنعمة ربك فحدث}
وبالمقابل الله سبحانه نهانا عن الكبر ورغبنا بالتواضع مع خلقه
فيا أم شنطة عشرة آلاف لا تشوفي حالك ع أم شنطة ألف لأن فيه إلي فوقك وفيه إلي تحتها
وإلي يناظر فوووق كثير تنكسر رقبته :42:
آآآآسفة ع كثر البربرة والقرقرة بس حبيت أبوح بما في جعبتي :22:
//
قريت الردود وتذكرت أكيد ناس بتقول تصدقي بهالمبلغ بدال تحطيه بشنط
اقول الله يجزاك الخير وفعلاً الصدقة أجرها عظيم لكن مو معناها ما اشتري شنطة بعشرة الاف اذا كان مستواي كذا
بمعنى يمكن اخت شناطها بخمس الاف وعشرة الاف وما الى ذلك
لكن بالوقت نفسه لها مشاريع خيرية الي بخمسين الف والي بمئة الف... الخ
فهذا الي كنت أقوله كل انسان ترجع لوضعه الاقتصادي والاجتماعي
وانتي يلي تشترين شنطة بمية ومئتين ومواعين مدري بكم وقوالب سيليكون للحلى وصينية تشيز كيك و و و الخ
ممكن ام عشرة ريال تقول عنك مبذرة ومافي داعي لكل هالمواعين والشنط... ولو تتصدقين بهالمبالغ ابرك!!
لكنها ما تدري انك تتصدقي بالألف والألفين
عشان كذا غلط نحكم على الناس وبدون ما ندري عن خلفيتهم الإقتصادية والإجتماعية
مواضيع مشابهة
تابعي تجارب أخرى من هذا القسم.