اللي زوجه يعطيه مصروف تجي هنا

احس لازم مصروف مو عشان الاكل والشرب لايمكن الوحده تبي تهدي
احد يطلبها سلفه تبي تشتري لامها شي ثوب قماش
يعني لازم اقوله ابي لامي حاجه والا شي لا حتى الوحده تستحي تقول ابي هديه لامي
اما اذا كان بيدها مصروف ولو رمزي تقدر تسوي اللي نفسها فيه

المضروف مكياج لبس هدايا تهدين احد تجمعين

حبيبتي الشغاله تشتغل نفس شغلي وتاخذ راتب لي مو من حقي اخذ مصروف ادلع نفسي فيه اما سالفه الثلاجه والاكل هذي نفقه مالها دخل

غير كذا في مواقف تتمنين يكون عندك فلوس مثلا بغيتي تقطين انتي واخواتك على عشاء من برى مطعم اقصد او بغيتي تشترين هديه لزوجك يكون عند مبلغ بسيط تشترين فيه يعني اهم شي يكون معك فلوس

ياقلبي انا زوجي يعطيني مصروف لسببين
عشان ما اطلبه كل شوية هات وهات ومحتاجة وابغى
والسبب الثاني عشان ماضغط عليه في شهر واحد بكثرة الطلبات

فاخذ منه مصروف ممكن ما احتاجه في شهر معين واشيله للشهر اللي بعده واحطه على المصروف الشهر اللي بعده واشتري شي احتاجه مثل فستان لمناسبة تسريحة مكياج وكذا

والمصروف هو لمكياجي ملابسي كوفيرتي هدايا اوجب فيها للناس جزم الله يكرمكم شنط اي شي ممكن احتاجه
والله كل شهر يطلع لي شي او احتاج شي
زواج ملكة زيارة واشيل من المصروف ربعه جمعية والباقي اصرفه او اجمعه واخليه
بس سبحان الله احتياجاتي ماتخلص للان ماجمعت منه ولا شي حتى الجمعية اللي استلمتها قبل كم شهر صرفتها في فساتين سهرة تعرفي الصيف ومناسباته ولسه العيد

والاولاد وقت ما احتاج لهم اخد منه
واذا طلت طلعة مع اهلي يعطيني من دون ما اقله لهم

واساسا هذا حقك الشرعي ملبس وماكل ومسكن
الماكل والمسكن دافعه

بس الملبس وثانوياته خليه يعطيكي مصروف عليه ماهي حلوة كل شوية اعطيني واعطيني
خلاص يوم محدد في الشهر يعطيكي من دون ماتطلبيه وترحمو نفسكم من المطالب اللي يجي وراها سين وجيم وانتي كل شوية هات

يعطيكي فلوس تصرفيها براحتك
واتمنى يكون اقنعتك

شوفي حبيبتي والله اذا انتي مرتاحه وموحاسه شئ ناقصك ليش تغيري اسلوب حياتك كل وحده ولها ظروفها....

انا شخصيا اخذ مصروف بس في اشهر لما زوجي يعطيني مصروفي ومصروف البيت اخلطهم مع بعض وماندقق انا وزوجي..

لكن لما يجي شهر اللي بكون ابي انزل لاهلي احب اخذمصروفي وانا حره فيه[انا استحي اروح لاهلي ومااخذت لهم بيدي اي شئ]عشان كذا انا حره اشتري كل اللي ابيه لامي او اولاد اخواني واخواتي <<<اطفال يفرحون فيني

انا متعوده عالاستقلال المادي من عند اهلي وزوجي خلاص خصص لي مبلغ طبعا نص فاتورة الجوال عليه والباقي علي والحمدلله مرتاحه
ابي اهدي ابي ادفع مع اخواتي نغير شئ في بيت امي او في استراحتنا ..>>بدل ماطلب منه ويعرف كل شئ

او بمرر شئ لااخوي اللي بالجامعه يعني انا عندي التزامات وفي شغلات مايصير تقولي لزوجك عنها حتى لو تبي تتصدقين غير تطلبينه
او تبي تشترين هديه له

حتى محفظتك دايما فاضيه شفتي طفل تبي تعطيه او سهره مع اخواتك في مطعم او عشاء من برا غير تطلبيه ماادري هذا راي الشخصي

والله يرزقني الوظيفه ويغنيني انا وجميع الخريجات ياكريم

بالنسبه للي تقول ليش الهدايا والناس ربي معطيها حبيبتي الهديه غير والصدقه غير...ابي اسألك اختك او اخوكي لما يرزقون بمولود ماتنقطي النونو واخوانك او اطفال العايله لما ينجحون ماتهدين عليهم لو عشر ريال امك بالعيد اوغيره ماتهديها من غير جدتك او اقاربك ماتتذكريهم لو بعد مده بشئ لو بسيط..