هلا يا امهات
انا عندي سؤال عن حالة بنت عمرها سنة و 8 شهور و اتمنى تفيدوني ""اولا انا خالتها
اللي لفت نظري مثل اغلب الامهات انها ما ترد لما حد يناديها و ارتباطها بامها مو واضح و احيانا كانت تضرب على اذنها ...و الحين احس ان فهمها مب نفس مستوى عمرها و كثيرة الحركة من غرفة لغرفة
لكن فيها اشياء كثير احس انها طبيعية يعني ما تستغرب الأطفال و اذا جات تطالعني في عيوني و تضحك يعني تعرفني و اذا لعبتها تلعب و تتفاعل و تضحك
المهم انا لفت نظر امها و الخطوة الأولى كانت فحص السمع و طلع عندها ماي في الاذن اليمنى و اليسرى و لحمية في الأنف و تعالجت عنها و خفت صارت ما تضرب اذنها " الحين امها تنتظر موعدها عشان فحص او تقييم السلوك"و احس انها مو حاطه التوحد في بالها ""خايفة تفكر فيهو انا مو قادرة اقولها هالاحتمال"""
خاصة و ان بنتها اشوف فيها بعض التحسن ""على فكرة في البداية بعد لاحظنا انها تنشغل في التلفزيون و خففت امها التلفزيون يعني انا اشوف ان حالتها تفرق و تتحسن بتغيرات بسيطة
ما ادري هل ممكن يكون شي ثاني غير التوحد و هل مرت عليكم مثل هالحالة خاصة و انها اول طفله لها يعني مو معاها اطفال بالبيت و حبيت اسال ""ام السكاكر""و الأخوات اللي عند اطفالهم توحد بسيط كيف اعراظهم و هل حالة التوحد تتدهور و تزيد لما يكبر الطفل و الا يكون ثابت ""لأن احس البنت مو متعبة وابد
استحملوني لأني متلخبطة و اتمنى تجاوبوني
تجمع امهات اطفال التوحد (( الأول))
متابعة النقاش، صفحة 27