ساعدوني...ابي ارتآح الله يريحكم

السلام عليكم ورحمة الله وبركااته..

كيفكم وشخباركم يااخوآتي..؟

بدخل الموضوع على طول


انا انسآآنه كثيرة ندم وضميري يأنبني على صغير وكبيره...

وتعبت والله تعبت خصوصا بمشكلتي الحاليه احس اني مكتومة ومالي نفس

قبل 5 ايام حضرة حفلة .وهالحفلة سبحان الله كنت مترددة احضرها
المهم حضرتها وصار اللي صآر

اللي صار اني من بعد هالحفلة احس بندم شديد وحديث نفس ذبحني وصرت بس اقول ياليت ماحضرة وياليت وياليت....

ماعاد ادري انا هالاحساس اللي فيني ندم اعرفه (خفقان واضربات معدة وخوف وقلق واكتآءب وكارهه نفسي)
والله حتى شكلي انقلب فوق تحت

رحت قريت عند شيخ وتعبت ..خصوصا معي ضيقة صدر مو طبيعيه...


الله يخليك مابي اطول عليكم.. بس علموني كيف اتخلص من هالشعور والندم

تعبت تعبت تعبت . كرهة اطلع كرهة نفسي كرهة هالعالم اللي حولي كرهة اسولف واضحك
احس اني ماادري كيف صرت



:(

6 تعليق 839 مشاهدة

شاركي في النقاش

سجلي الدخول لإضافة تعليق.

التعليقات

6
  1. @arabic_rose

    الله يعينك حبيبتي انصحك ابتدي بالرقيه الشرعيه تحصليها في المنتدى
    واقري سورة البقره وان شاء الله تروح ضيقتك
  2. @aatrh_1

    اذا مشيتي على الي اقولك بحول الله بتنحل مشكلتس

    1- الصلاة بوقتة ماتاخرينة ابدددددددد وبخشوع

    2- الاستغفار مو لازم توصلين لالف لا قد ماتقرين ان شاء الله 20 باليوم المهم يكون يوميا

    3- اطلعي وكوني صدقات وحطي فبالك ان العمر مرة مايستاهل تضيعين لحظة بحزن وهم

    4- لاتجلسين بلحالك ابد..عشان ماتفكرين..
  3. @taabt_ashky_2

    ياقلبي ماحد مرتاح

    انا كل ماذكر المس اللي فيني او احس بحركه بجسمي او شي يضيق صدري

    واحس الدنيا سودا بعيني

    بس مالنا الا الصبر لين ربي يفرجها

    والله كريم


    وعلى فكره جربي عشبة القديسين تلقينها بارمال على شكل كبسولات

    احسها زينهه للاكتئاب والقلق

    واشربي تلبيه بعد مره او مرتين

    والله يشفيك
  4. البسي قبعة المسك بالليل قبل النوم وشغلي الرقية العامة مكررة طوال الليل وبتجي تبشرينا قريب


    الرقية موجودة هنا في قسم ملاذ الروح موضوع بعنوان كل الرقى من الخليفة

    القبعة باذن الله تشيل سيطرة الاذى عليك والرقية تقضي عليه نهائيا

    القرآن هو العلاج...يهربوا منه ما يقدروا يتحملوا قران كل ليلة 8 ساعات لحد الصبح

تابعي تجارب أخرى من هذا القسم.