السلام عليكم
اخواتي العزيزات
هالموضوع مسبب لنا قلق وخصوصا امي ياحياتي
حرمه تعبانه وشالت هم اخواني وطلباتهم وهي والله مو ناقصه امراض الله يشفيها :(
دعواتكم لها
المشكله ان اخواني طالبين مني بحكم اني الكبيره وطالبين من امي
ندور لهم عرايس فرحنا وماصدقوا امي وابوي ودهم يفرحون فيهم
المشكله اني مااعرف احد
والله طلعاتي للناس قليله ..وامي نفس الشي
يعني مانعرف بنات كثير
اكيد بتقولون ليه ماتدورون من اقاربكم
بقولكم مالقينا مواصفاتهم لانها صعبه شوي
المشكله باخوي الملتزم يبي وحده ملتزمه مرره يعني تكون طالبه علم او داعيه
وتكون بيضاااء لانه هو ابيض واهم شي تكون جمييييله
والله انها صعبه تجتمع في احد ...تعبنا وحنا ندور
واذا لقينا يقول روحوا شوفوها نقول مو مهم حنا اهم شي رايك
يرد علينا بكلام مقنع يقول انا ماودي اشوف البنت وتنحرج بالشوفه
وبالاخير يمكن ماتعجبني ماودي اكسر خاطرها
هذا والله قصده الله يكثر من امثاله
لكن حنا تعبنا والله من وين نجيب له مواصفاته
لدرجه اقول له روح دور من برا يمكن تلقى اللي تبيه :angry2:
فكرت بخطابه لكن هو رافض والله من درجه حيرتي يابنات سويت اعلان بعالم حواء ههههه
والكبير بعد مسخها يقول دوري لي وحده فرفوشه ومرحه وخلوقه اااه من وين اجيب لك انت الثاني بعد :angry2:
يابنات بصراحه لو كنتي بموقفي وش تسوين ...
وش الحل ؟
محتاجه دعواتكم بان الله يرزق اخواني الزوجات الصالحات اللي يخافون الله
شاركي في النقاش
سجلي الدخول لإضافة تعليق.
التعليقات
106- الله يكون بعونك بس اسألي معارفك يدلوكي
وربي يعثره بالبيضا الملتزمه هههههههههههه - الله يرررزقهم باللي يتمنوووون
- الله يرزقه باللي يتمنى يارب
- بالنسبه لاخوك اللي يبغى ملتزمه شوفوا اذا تعرفون وحده في التحفيظ اكيد تعرف بنات فيهم المواصفات اللي يبغاها والله يقدم لكم اللي فيه خير .
- ايه صحه روحي لدور تحفيظ واسألي والله يوفقه
مواضيع مشابهة
تابعي تجارب أخرى من هذا القسم.