بنتي شوفولي حل معهـا اوديها دكتور ولا انسى الموضوع

بنتي عمرها خمس سنوات
موقادره عليها من لما كانت صغيره
بتمونتي مع اني وابوها نعاملها بكل حنان ومعاملتنا معها ووسط مو مدلعينها ولا حارمينها من شي
اليوم تركتها مع اخوها عمره سنتين
يلعبون بغرفتهم بعد المغرب ابي ارتاح شوي واسمع صوت صياح اخوها
دخلت الا البنت جالسه تضرب اخوها على راسه كفوف اقول لها ليش تضربيه وعصبت عليها قالت ماما ابي يطلع من راسه نجوم
مثل الكارتون اذا ضربوهم على راسهم يطلع نجوم:hahaha: بنتي هبله ولا تستهبل ولا مدري وش فيها
الموقف اللي صااااااااار وخوفني قبل اسبوعين
انا مشتريه له قصص الانبياء فيه صور وبأسلوب حلو للأطفال
حاولت اجذبها للقصص ابوها جلس يقص عليها القصص الموجوده طبعا انا ماكنت معهم
يوم ثاني جلست من النوم مفزوعه قلت لها ماما وش فيك قال حلمت اني اقتلك ماما
قلت لها قولي بسم الله وتعوذي من الشيطان
رجعت نامت وصحت وقت الظهر الا اشوف البنت جايبه سكينه تقول ماما ابي اقتلك خفت من تصرفها قلت لها ليش
قالت انا حلمت اني اقتلك والنبي ابراهيم حلم انه يذبح ابنه اسماعيل لازم اقتلك مثل ماسوى النبي ابراهيم
قلت لها هذا نبي وهذي رساله من الله عشان يشوف صبر النبي ابراهيم >>>>>> اعطوني حل وربي تعبت من شقاوتها مدري وين بتوديني هالبنت

60 تعليق 7,663 مشاهدة

شاركي في النقاش

سجلي الدخول لإضافة تعليق.

التعليقات

57
  1. @nhralmodh

    سلام اختي ... كل الأطفال اللي اعرفهم تقريبا بهل العمر يفكرون زي بنتك
    المشكله ما اتوقع في بنتك المشكله في اللي تشوفه في التلفزيون وشكل بنتك
    خيالها واسع حاولي معها تفهمينها بأن اللي تشوفه في التلفزيون مو حقيقي وكله كذب وان الأنبياء ماهم زي البشر العاديين الأنبياء الله اختارهم وميزهم
    حاولي تشرحين لها بطريقه تفهمها...... واذا وديتيها لأخصائي نفسي يكون احسن علشان يعلمك كيف تتعاملي معها .. وزيدي رقابتك عليها لاتسوي في اخوها شي ... وانتي بعيده عنهم لأن تفكيرها كله رسوم متحركه انا مابي اخوفك لكن الأطفال يفكرون بطريقه غريبه..الله يعينك اتمنى لك التوفيق ... وسامحيني على الأطاله....!
  2. @rzaaaanh

    ههههههههههههههه وربي فضيعه بنتك مت عليها ضحك
    بس هذا دليل ذكائها ما شاء الله تبارك الله استغلي ذكائها في اشياء مفيده مثل حفظ الفران وتطبيق السنن
    والله يحفضها لك ويحميها من كل شر

    بنتي في نفس سنها ودائما تسأل ابوها بابا متى تتزوج ماما يقول يابنتي المسأله يبغى لها تفكير على شان ما نتورط ههههههههههه
  3. @olaaa_alzmn

    ضعيها في حضنك وضميها كما تضمين الطفل الذي يرضع ثم ضعي يدك على رأسها بكل حنان وأقرأي عليها الآيات بالترتيل الهادي وحاولي يكون صوتك حنون جداً ..وبعدها بتشوفين الفرق ..

    وقراءة القرآن الفاتحة والمعوذتين والإخلاص وآية الكرسي ..

    وفي النهار غني لها أغنية تحبها فيها تحبيب لأعمال الخير وتكون وضعيتها مثل ماسبق وذكرت لك ..

    وبإذن الله تدعين لي ..الله يهديها ويحفظها من كل شر وخليك لها ولأخوها.

تابعي تجارب أخرى من هذا القسم.